Riatdhesimi i dy grave dhe tre fëmijëve nga Siria, Ambasada e SHBA përgëzon Shqipërinë: Fitore për sigurinë globale 01/09 10:58
Skema e ngjyrave
Madhësia e shkrimit
Sali Berisha do të zhvillojë më 8 shtator një takim me komunitetin shqiptar në Dallas, Teksas, në kuadër të vizitës së tij në Shtetet e Bashkuara.
Takimi është promovuar në rrjetet sociale të Berishës dhe do të zhvillohet në Lewisville, në zonën e Dallasit. Në aktivitet pritet të marrë pjesë edhe kreu i Partisë Republikane, Fatmir Mediu.
Takimi me shqiptarët në Teksas vjen në kuadër të vizitës së Berishës në SHBA, pas një periudhe disa vjeçare gjatë së cilës ai ka qenë subjekt i masave amerikane të ndalimit të hyrjes në territorin amerikan.
Berisha u shpall “non grata” nga Departamenti Amerikan i Shtetit, i cili në vitin 2021 njoftoi se ish-kryeministri shqiptar ishte përcaktuar si i papërshtatshëm për të hyrë në Shtetet e Bashkuara.
Gjatë aktivitetit në Dallas, Berisha dhe Mediu pritet të zhvillojnë një takim me anëtarë të komunitetit shqiptar në zonën e Teksasit.
Aktiviteti është prezantuar nga organizatorët në kuadër të takimeve të Berishës me shqiptarët në Shtetet e Bashkuara.
Top Channel
