Eklipsi i pjesshëm hënor, Hëna e plotë e gushtit dhuroi një spektakël në qiell 28/08 11:46
Skema e ngjyrave
Madhësia e shkrimit
Presidenti amerikan Donald Trump ka deklaruar se Vladimir Putin nuk do të sulmojë një vend anëtar të NATO-s, ndërsa ka minimizuar raportimet për një paralajmërim të drejtpërdrejtë të SHBA-së ndaj Moskës.
“Ai nuk do të sulmojë një territor të NATO-s”, u shpreh Trump para gazetarëve në Zyrën Ovale.
Deklarata e tij vjen pas raportimeve se drejtori i CIA-s, John Ratcliffe, gjatë një vizite në Moskë në fillim të kësaj jave, u kishte paralajmëruar zyrtarëve rusë që të mos ndërmerrnin një sulm ndaj aleatëve të SHBA-së në NATO.
Trump mohoi se Ratcliffe ishte dërguar në Moskë për të përcjellë një mesazh të veçantë nga Uashingtoni. Sipas presidentit amerikan, kreu i CIA-s takohet periodikisht me homologun e tij rus dhe vizita nuk kishte asgjë të pazakontë.
Ndërkohë, raportimet për vizitën e Ratcliffe vijnë në një periudhë tensionesh të shtuara mes Rusisë dhe vendeve të NATO-s, ndërsa Moska ka lëshuar paralajmërime të drejtpërdrejta ndaj disa vendeve anëtare të aleancës.
Ministria e Jashtme ruse paralajmëroi së fundmi edhe Mbretërinë e Bashkuar për mundësinë e hakmarrjes ndaj objekteve ushtarake britanike, si brenda ashtu edhe jashtë Ukrainës.
Top Channel
