Turqia lëshoi urdhër-arrest ndërkombëtar ndaj tij, reagon Netanyahu: Erdogani diktator antisemit, përpjekje patetike që nuk na frikëson 21/08 17:27
Skema e ngjyrave
Madhësia e shkrimit
“Mendova se me Donald Trump marrëdhënia do të ishte më e lehtë, duke pasur parasysh konvergjencën tonë në imigracionin dhe kulturën ‘woke’, por gjërat dolën ndryshe”, tha Giorgia Meloni në një intervistë me New York Times.
“Megjithatë, vazhdoj të besoj se uniteti i Perëndimit është me rëndësi themelore, nuk e vendos unë strategjinë kombëtare të Italisë bazuar në marrëdhëniet e mia personale”, shtoi kryeministrja italiane.
“Unë jam një person që i imponoj vetes rregulla të caktuara. E para është se nuk them kurrë diçka që nuk e besoj. Nuk ka asnjë mënyrë që dikush ta arrijë këtë me mua”, tha Meloni, e cila beson se ky rregull ishte thelbësor që ajo të mbetej kryeministre, deri më tani, për gati katër vjet.
Duke iu përgjigjur një pyetjeje në lidhje me diktaturën fashiste njëzetvjeçare, kryeministrja italiane theksoi se “ishte një periudhë qartësisht komplekse”.
“Nëse e shohim me sytë tanë aktualë, del një rezultat specifik. Nëse do t’i jetonim të gjitha ato ngjarje personalisht, ndoshta do ta perceptonim ndryshe”, tha Meloni.
Sa i përket karrierës së saj politike dhe dominimit të saj në zgjedhjet parlamentare të vitit 2022, Meloni u përgjigj: “Mendoj se arrita deri këtu sepse pata guximin të mbaja anën më të pakëndshme të historisë, sepse zgjodha të shkoja kundër rrymës. Ndoshta isha personi i duhur, në kohën e duhur.”
Top Channel
