Nga kuajt dhe animet te ideologjia naziste, historia e 16-vjeçares që u radikalizua në internet dhe u trajtua si terroriste 12/08 18:41
Skema e ngjyrave
Madhësia e shkrimit
Një operacion i sofistikuar mashtrimi u organizua në Turqi muajin e kaluar për të siguruar largimin e sigurt të presidentit amerikan Donald Trump, pasi agjencitë amerikane të inteligjencës vlerësuan se ekzistonte një kërcënim i besueshëm nga Irani ndaj tij.
Sipas një personi të njohur me çështjen, kërcënimi u shfaq në ditën e fundit të samitit dhe u konsiderua aq serioz, sa zyrtarët amerikanë druheshin se Trump mund të ishte në rrezik nëse do të largohej nga Turqia me Air Force One ose me avionin e dhuruar nga Katari, me të cilin kishte udhëtuar drejt samitit.
Për largimin e presidentit u hartua një skemë në të cilën Trump do të kalonte nga Air Force One në një avion më të vogël, C-32A, pa e bërë të ditur publikisht ndryshimin. Një kamion shërbimi ushqimor u pozicionua pranë avionit presidencial për të krijuar një pengesë vizuale gjatë transferimit.
Pamjet e analizuara nga CNN tregojnë se kamioni u vendos pranë Air Force One përpara mbërritjes së autokolonës së Trump në pistën e aeroportit të Ankarasë. Pasi presidenti hipi në avionin alternativ, kamioni u largua dhe Air Force One u nis pa të.
Avioni më i madh u ngrit rreth orës 20:44 sipas orës lokale, ndërsa C-32A me Trump në bord u nis rreth një minutë më vonë.
Jo të gjithë zyrtarët që shoqëronin Trump në samit u larguan me të. Sekretari i Shtetit Marco Rubio dhe Sekretari i Thesarit Scott Bessent mbetën në Air Force One, së bashku me pjesëtarë të stafit të Shtëpisë së Bardhë, personel ushtarak dhe gazetarë. Sipas zyrtarëve amerikanë, shumica e personave në avion nuk e dinin se presidenti nuk ndodhej më në bord.
Trump udhëtoi me avionin më të vogël drejt një baze ushtarake në Britani, ku më pas u rikthye në avionin e ri të Katarit për fluturimin drejt Uashingtonit.
Mes personave që e shoqëruan presidentin në avionin alternativ ishin Natalie Harp, Dan Scavino dhe Walt Nauta. Sekretari i Mbrojtjes Pete Hegseth ishte gjithashtu me Trump gjatë transferimit.
Presidenti amerikan konfirmoi të martën se ishte transferuar në një avion tjetër me kërkesë të Shërbimit Sekret dhe ushtrisë, por minimizoi rrezikun që kishte çuar në këtë masë.
Trump tha se nuk ishte shqetësuar për një sulm të mundshëm dhe se thjesht kishte ndjekur udhëzimet e shërbimeve të sigurisë.
“Bëj atë që thonë ata”, deklaroi ai, duke shtuar se nuk i ishin dhënë shumë detaje mbi arsyet e ndryshimit të avionit.
Top Channel
