FOTO/ Tërmeti i fuqishëm në Kolumbi, shkon në 26 numri i viktimave. Shkatërrohen katedrale dhe ndërtesa, raportohet për persona nën rrënoja 10/08 18:00
Skema e ngjyrave
Madhësia e shkrimit
Një tërmet me magnitudë 7.4 ballë goditi sot Kolumbinë, duke shkaktuar dëme në ndërtesa dhe të lënduar.
Lëkundjet e forta shkaktuan panik te banorët, të cilët dolën me nxitim në rrugë nga frika e shembjeve dhe lëkundjeve pasuese.
Sipas Qendrës Sizmologjike Evropiane-Mesdhetare (EMSC), tërmeti kishte një thellësi prej rreth 115 kilometrash. Agjencia Gjeologjike e Kolumbisë raportoi se epiqendra ndodhej në provincën Chocó, në bregdetin e Paqësorit.
Massive 7.4 magnitude earthquake in Colombia pic.twitter.com/4LpedCpUFd
— 🅽🅴🆁🅳🆈 🅲🅷🅾🅾 🅲🅷🅾🅾 (@Nerdy_Addict) August 10, 2026
Tërmeti u ndje fuqishëm në Bogotá dhe Cali, ndërsa lëkundjet u raportuan edhe në vendet fqinje, përfshirë Venezuelën, Ekuadorin dhe Panamanë. Shërbimi Gjeologjik i Shteteve të Bashkuara (USGS) bëri të ditur se nuk ishte lëshuar paralajmërim për cunami.
Lëkundjet e forta shkaktuan panik në zonat e prekura. Banorët u larguan me nxitim nga ndërtesat, ndërsa copa betoni dhe xhami ranë në rrugë. Në videot e para nga vendngjarja shihen qytetarë të tronditur që përpiqen të largohen nga zonat e rrezikshme.
Pas tërmetit, qytetarë dhe ekipet e emergjencës iu drejtuan ndërtesave të dëmtuara për të kontrolluar nëse kishte persona të bllokuar apo të lënduar.
BREAKING: A 7.4 magnitude earthquake has struck the San José del Palma region of Colombia, with the mayor of Choco stating that, “there are injuries and severe damage to buildings, and we are concerned about aftershocks” pic.twitter.com/ZkZaOtunM9
— StrandenOSINT (@StrandenOSINT) August 10, 2026
Dëme të konsiderueshme u raportuan edhe në Katedralen Metropolitane, ku një pjesë e kupolës duket se është shembur pas lëkundjeve.
Guvernatorja e provincës Chocó, Nubia Carolina Córdoba-Kouri, tha se autoritetet janë të shqetësuara për mundësinë e lëkundjeve pasuese dhe se kanë nisur vlerësimin e dëmeve.
“Sapo kemi përjetuar një tërmet të fortë në provincën e Chocó-s. Jemi të shqetësuar për lëkundjet pasuese. Edhe pse epiqendra ishte pranë San José del Palmar, ka të lënduar dhe dëme të konsiderueshme në ndërtesa në Quibdó”, deklaroi ajo.
JUST IN: 7.4 M earthquake (terremoto) strikes near San José del Palmar, Colombia, according to the USGS. pic.twitter.com/xg8QvfvKX1
— Q RIGHT SCOPE (@Qrightscopee) August 10, 2026
Top Channel
