Deputeti ukrainas Oleksiy Goncharenko ka kritikuar deklaratën e presidentit Volodymyr Zelensky në Beograd, ku kreu i shtetit ukrainas rikonfirmoi se Ukraina nuk do të ndryshojë qëndrimin e saj për Kosovën.
Goncharenko, i cili ka ndërmarrë në Parlamentin e Ukrainës një nismë ligjore për njohjen e pavarësisë së Kosovës, e ka cilësuar qëndrimin e Zelenskyt si një “gabim diplomatik”.
Përmes një reagimi në rrjetin social X, deputeti ukrainas ka shprehur kundërshtimin e tij ndaj deklaratës së presidentit, duke publikuar edhe një fotografi ku shihet heqja e sloganit “Free Ukraine” në Prishtinë.
This is a diplomatic blunder.
The Ukrainians support the independence of Kosovo and we believe that Ukraine MUST recognise the state.
I’ll continue fighting for the independence of Kosovo and eventually Ukraine will recognise it. pic.twitter.com/hkGtO5WzVl
— Oleksiy Goncharenko (@GoncharenkoUa) August 9, 2026
Goncharenko argumenton se në Ukrainë ekziston mbështetje për pavarësinë e Kosovës dhe se ai do të vijojë përpjekjet politike për ta bindur vendin e tij që ta njohë shtetin e Kosovës.
“Ukrainasit mbështesin pavarësinë e Kosovës dhe besojmë se Ukraina duhet ta njohë shtetin. Unë do të vazhdoj të luftoj për pavarësinë e Kosovës dhe përfundimisht Ukraina do ta njohë atë”, shkroi deputeti ukrainas.
Deklarata e Goncharenkos vjen pas qëndrimit të përsëritur të Zelenskyt në Beograd, duke rikthyer në vëmendje debatin brenda Ukrainës për mundësinë e njohjes së pavarësisë së Kosovës.
Top Channel
