Ku ndodhet Mojtaba Khamenei? Tre teoritë që po qarkullojnë për liderin iranian 04/08 10:51
Skema e ngjyrave
Madhësia e shkrimit
Irani ishte gati të sulmonte tre baza në Ukrainë pas sulmit ndaj një anijeje tregtare iraniane në Detin Kaspik, por e pezulloi planin pasi autoritetet ukrainase e cilësuan incidentin si një gabim. Kështu deklaroi Mohsen Rezaei, këshilltar i lartë ushtarak i liderit suprem iranian.
“Ne ishim gati të sulmonim tre zona në Ukrainë. Por pasi ata pretenduan se ishte një gabim, e ndaluam përgjigjen për të shqyrtuar pretendimin e tyre”, tha Rezaei në një intervistë për televizionin shtetëror iranian.
Javën e kaluar, Teherani akuzoi Kievin se goditi një anije tregtare iraniane që transportonte ngarkesë hekuri në Detin Kaspik, ku humbi jetën një marinar dhe u plagosën tre të tjerë. Nga ana tjetër, Ukraina deklaroi se kishte kryer sulme me dronë ndaj dy anijeve ruse që transportonin ngarkesa ushtarake.
Tensionet mes dy vendeve u ulën pas një bisede telefonike mes diplomatëve të lartë. Ministri i Jashtëm iranian, Abbas Araghchi, tha se homologu i tij ukrainas e kishte siguruar se goditja ndaj anijes iraniane ishte e paqëllimshme.
Megjithatë, Rezaei theksoi se, edhe nëse sulmi ishte një gabim, Irani kërkon kompensim për dëmet e shkaktuara.
Në të njëjtën intervistë, ai deklaroi se Irani është i fokusuar vetëm te negociatat me Omanin për çështjen e Ngushticës së Hormuzit dhe jo me Shtetet e Bashkuara. Rezaei paralajmëroi gjithashtu se, nëse bllokada vazhdon, forcat amerikane do të përballen me pasoja, duke i bërë thirrje Uashingtonit të ndryshojë qëndrim dhe të respektojë angazhimet e tij.
Top Channel
