Hetuesit e BKH i kanë komunikuar sot akuzën e shkeljes së barazisë në tendera Belinda Ballukut, ish-zëvendës kryeministre e vendit.
Ajo u paraqit sot në SPAK e shoqëruar nga avokati i saj, duke qëndruar për rreth 20 minuta.
Gazetarja e Top Channel Anila Hoxha mëson se sot ajo nuk është pyetur, pasi ka thënë se rezervon të drejtën për tu pyetur në një moment tjetër.
Zyrtarisht SPAK u përgjigj se “Në përgjigje të kërkesave tuaja, Znj Belinda Balluku është thirrur në Prokurorinë e Posaçme për t’u njohur me akuzën, e cila lidhet me disa procedura prokurimi, objekt hetimi; për t’u pyetur lidhur me akuzat si edhe për t’i komunikuar akte të tjera procedurale.”
Top Channel
