Zjarret masive kërcënojnë zonat turistike, 8 mijë persona largohen nga Kreta
31/07 12:34
Skema e ngjyrave
Madhësia e shkrimit
Një skemë e posaçme vizash po u mundëson shtetasve turq të hyjnë më lehtë në 12 ishuj grekë të Egjeut, pa marrë paraprakisht një vizë të plotë Shengen.
Programi, i njohur në Turqi si “viza në derë”, u prezantua në prill të vitit 2024 fillimisht për 10 ishuj dhe më pas u zgjerua. Në listë përfshihen Samosi, Rodosi, Kiosi dhe Kosi, të gjitha pranë brigjeve turke.
Viza merret pas mbërritjes dhe u lejon qytetarëve turq të qëndrojnë deri në shtatë ditë në ishullin përkatës. Ajo nuk mund të zgjatet dhe nuk lejon udhëtimin drejt Greqisë kontinentale apo vendeve të tjera të zonës Shengen.
Skema është kthyer në një alternativë të rëndësishme për turistët turq, ndërsa marrja e vizave Shengen është bërë më e vështirë dhe më e kushtueshme.
Sipas Bankës së Greqisë, rreth 1,5 milionë shtetas turq vizituan vendin gjatë vitit 2025, nga 1,2 milionë një vit më parë. Fluksi ka ndihmuar ndjeshëm ekonomitë e ishujve. Në Samos, tragetet sjellin çdo ditë turistë nga brigjet turke, ndërsa shumë restorante kanë vendosur menu në gjuhën turke.
Kryeministri grek Kyriakos Mitsotakis e ka cilësuar programin veçanërisht të suksesshëm dhe ka deklaruar se Athina dhe Ankaraja kërkojnë rinovimin e tij. Përveç përfitimit ekonomik, skema shihet si një mënyrë për afrimin e dy popujve, pavarësisht tensioneve të vazhdueshme politike ndërmjet dy vendeve.
Top Channel
