Video/ Pema përfshihet nga flakët në Gjermani, momenti kur bien në kontakt me linjën e tensionit të lartë nga moti i keq 29/07 17:01
Skema e ngjyrave
Madhësia e shkrimit
Presidenti i SHBA-së, Donald Trump, ka përsëritur kërcënimet ndaj Iranit, duke deklaruar se Shtetet e Bashkuara do t’i përgjigjen me forcë një sulmi me raketa ndaj forcave amerikane në Jordani.
Në një intervistë për Fox News, Trump u shpreh: “Do t’i shtypim. Do t’i godasim fort”.
Sipas Fox News, presidenti amerikan tha se SHBA-ja do të kundërpërgjigjet pasi raketat balistike iraniane goditën forcat amerikane në Jordani gjatë natës. Ai shtoi se forcat amerikane kishin vetëm pak minuta kohë për të neutralizuar raketat dhe se kishte parë pamjet filmike të operacionit.
Trump i cilësoi gjithashtu milicitë e mbështetura nga Irani si një “kancer për botën”, ndërsa tha se sulmet e kryera nga SHBA-ja gjatë natës kundër milicive shiite irakiane të mbështetura nga Teherani ishin koordinuar me qeverinë irakiane.
Megjithatë, ai theksoi se, pavarësisht zhvillimeve të fundit, bisedimet mes SHBA-së dhe Iranit vijojnë.
Deklaratat e Trump patën ndikim edhe në tregjet ndërkombëtare të energjisë. Çmimet e naftës u rritën të mërkurën pas paralajmërimit të presidentit amerikan se Irani do të “goditet rëndë” në përgjigje të sulmit të pretenduar ndaj forcave amerikane.
Nafta bruto Brent u rrit me 5.8%, duke arritur në 86.82 dollarë për fuçi, ndërsa nafta bruto amerikane (WTI) u rrit me 6.4%, në 84.30 dollarë për fuçi.
Top Channel
