Ka mbërritur kandidatura e parë për postin e Prokurorit të Përgjithshëm. Bëhet me dije se prokurori i posaçëm i SPAK, Adnan Xholi, ka dorëzuar kërkesën pranë Këshillit të Lartë të Prokurorisë (KLP), duke shprehur zyrtarisht interesin për të marrë pjesë në garë.
Gazetarja e Top Channel, Anila Hoxha, raporton se Xholi është kandidati i parë që aplikon për drejtimin e organit të akuzës.
KLP hapi procedurën për përzgjedhjen e Prokurorit të ri të Përgjithshëm përmes një thirrjeje publike, pasi mandati 7-vjeçar i Prokurorit të Përgjithshëm aktual, Olsian Çela, përfundon në dhjetor të këtij viti.
Afati për dorëzimin e dokumentacionit nga kandidatët është deri më 1 gusht, në orën 00:00. Pas mbylljes së aplikimeve, KLP do të vijojë me verifikimin dhe vlerësimin e kandidatëve sipas procedurave ligjore.
Top Channel
