Zjarret në Kanada mbulojnë SHBA-në me tym, mbi 100 milionë njerëz përballen me ajër të rrezikshëm 18/07 08:37
Skema e ngjyrave
Madhësia e shkrimit
Irani ka ndërmarrë sulme me raketa dhe dronë ndaj objektivave amerikane në Bahrein dhe Kuvajt, pas natës së shtatë radhazi të operacioneve ushtarake të SHBA-së kundër objektivave iraniane.
Korpusi i Gardës Revolucionare Islamike (IRGC) njoftoi se kishte vënë në shënjestër Bazën Ajrore Sheikh Isa në Bahrein, ku janë të dislokuar avionë luftarakë amerikanë.
Sipas mediave shtetërore iraniane, në Kuvajt u goditën gjithashtu një skelë furnizimi me karburant në Portin Al Ahmadi, si edhe një qendër e të dhënave dhe komunikimit.
Nga ana tjetër, ushtria kuvajtiane bëri të ditur se sistemet e mbrojtjes ajrore arritën të interceptonin raketat dhe dronët e lëshuar nga Irani.
Për shkak të situatës së sigurisë, aeroporti ndërkombëtar i Kuvajtit u mbyll përkohësisht. Kompania Kuwait Airways njoftoi se ka riplanifikuar fluturimet, pasi autoritetet pezulluan përkohësisht trafikun ajror për shkak të sulmeve me raketa dhe dronë.
Sulmet shënojnë një tjetër përshkallëzim të tensioneve në Lindjen e Mesme, ndërsa përplasjet mes SHBA-së dhe Iranit vijojnë prej disa ditësh.
Top Channel
