Shpërthen tubacioni 110-vjeçar i ujit në Los Angeles/ Përmbytet Sunset Strip, trafiku në kaos

Ngjarja ndodhi në West Hollywood, ku një tubacion kryesor prej çeliku i vitit 1916 shpërtheu nën një rrugë të ngarkuar, duke lëshuar sasi të mëdha uji në sipërfaqe. Tubacioni është pjesë e sistemit kryesor që transporton ujë nga digat dhe rezervuarët drejt rrjetit të shpërndarjes në të gjithë Los Angeles.

Shpërthimi preku zonën e njohur si Sunset Strip, një nga arteriet më të rëndësishme të qytetit, e mbushur me restorante, bare dhe biznese. Rrjedha e ujit shkaktoi dëme në disa ambiente dhe detyroi mbylljen e përkohshme të disa rrugëve, duke krijuar probleme të mëdha me trafikun.

Sunset Boulevard is closed indefinitely in West Hollywood

after a massive, 100-year-old water main ruptured early Thursday morning, creating a large sinkhole directly under the traffic light at Sunset Boulevard and Holloway Drive pic.twitter.com/BVpDI5geHc

— Tommy B. 🇺🇸 (@realtommybibi) July 16, 2026

Restoranti i njohur Dialog Cafe njoftoi se u detyrua të mbyllej përkohësisht pasi pësoi “dëme të konsiderueshme” nga përmbytja. Administrata e tij deklaroi se ende nuk dihet se kur do të jetë e mundur rihapja.

Water Pipe blew up on Sunset Blvd (West Hollywood) and the entire street, all the way to Santa Monica Blvd, is flooded and covered in mud. 😯😯😯 #westhollywood #sunsetblvd #flood pic.twitter.com/bZqGcgen4N

— Muse Love (@museramos) July 16, 2026

Autoritetet lokale kanë nisur punën për stabilizimin e zonës, vlerësimin e dëmeve dhe riparimin e tubacionit. Shkaku i shpërthimit ende nuk është përcaktuar.

Sipas zyrtarëve, një nga faktorët që mund të ketë ndikuar është rritja e presionit të ujit gjatë orëve të natës, kur konsumi bie ndjeshëm. “Kur njerëzit flenë dhe përdorimi i ujit është më i ulët, presioni në tubacione mund të rritet dhe shpeshherë atëherë ndodhin këto çarje”, shpjeguan autoritetet.

Kompania e ujësjellësit kishte planifikuar zëvendësimin e këtij segmenti të tubacionit kryesor Sunset në vitin 2031. Sipas të dhënave të Departamentit të Ujit dhe Energjisë në Los Angeles, në vitin 2019 rreth 29% e tubacioneve të qytetit ishin më të vjetra se 80 vite dhe po i afroheshin fundit të jetëgjatësisë së tyre tipike prej rreth 100 vjetësh.

Autoritetet u kërkuan banorëve dhe drejtuesve të automjeteve durim, ndërsa ekipet vijojnë punën për riparimin e dëmit dhe rikthimin e situatës në normalitet.

Top Channel