Politikë Të Fundit

Opozita bojkoton Kuvendin, deputetët e PD dhe PL nuk morën pjesë në seancë, kërkojnë plotësimin e kërkesave të protestës

13/07/2026 15:07

“Kemi shpallur mospjesëmarrje në seancat parlamentare dhe jo në komisione, gjersa Edi Rama të mos bllokojë paraqitjen në parlament të amendamenteve që kanë dorëzuar deputetët tanë për ndryshimin e ligjeve që kërkojnë përfaqësuesit e protestës”, kështu ka deklaruar Sali Berisha.

Ligjvënësit demokrat i qëndruan besnik vendimit të kryetarit për të bojkotuar seancën. Fjala e Berishës nuk u vu në dyshim nga asnjë deputet, të cilët nuk kaluan pragun e sallës se seancave plenare.

Karriget e opozitarëve do të vijojnë të jene bosh deri ne fund te sesionit për sa kohe mazhoranca refuzon nismat për shfuqizimin e ligjeve që prekin zonat e mbrojtura. Një lëvizje politike që është e njëjtë me kërkesat e protestës së bulevardit.

NISMAT LIGJORE TE PD

Pr.ligji për shfuqizimin e ndryshimeve në ligjin për zonat e mbrojtura;
Pr.ligji për shfuqizimin e ligjit për investimet strategjike;
Pr.ligji për shfuqizimin e Paketës së Maleve;
Pr.ligji për shfuqizimin e disa dispozitave të ligjit për trashëgiminë kulturore.

Java për demokratët nisi me mungese ne Parlament, por me prezencë ne SPAK, ku kryetari i grupit Gazment Bardhi trokiti për te depozituar një padi penale për kryeministrin Edi Rama dhe Ministrit Blendi Gonxhe. Në kallëzimin e depozituar PD i akuzon për ‘Shpërdorim detyre’ dhe ‘Shkelje të barazisë në tendera” për financimin 4.2 milion euro të eventit të Kanye West.

Top Channel