“Jeni mësuar me modelin e biznesmenit që i kërkoi ‘Taulanti’ 100 mijë euro”, Balla përplaset me Kaprin, i nxjerr SMS-të: Mu lute të ruaja votat nga komisionerët e PD
13/07 11:28
Skema e ngjyrave
Madhësia e shkrimit
Kreu i Grupit Parlamentar të PD, Taulant Balla, nuk i kurseu ironitë ndaj Partisë Demokratike.
Ai u shpreh se arsyeja pse deputetët e opozitës nuk ishin të pranishëm në sallë këtë seancë, ishte se kanë denoncuar në SPAK kryeministrin Edi Rama për koncertin e Kanye West.
“E morëm vesh edhe arsyen pse PD nuk është sot në seancë, sepse kanë shkuar të kallëzojnë penalisht edhe Kanye West. Pra, u gjet edhe një armik tjetër i shqiptarëve. Hyn në listën e lajmeve qesharake në botë, ku një parti politike, me një prezencë jo të vogël në Kuvendin e Shqipërisë, diku te 35 deputetë regjistron Grupi Parlamentar i PD… Më e bukura është që janë aq qesharakë, saqë edhe kallëzimin e kanë bërë në emër të Grupit Parlamentar të PD. Kanë kallëzuar këngëtarin apo autoritetet që kanë organizuar një event të atyre përmasave.
Madje pashë edhe një llogaritare që e përdor PD herë pas here për të bërë llogaritë dhe që kundërshtonte gjetjet e ekspertëve se përfitimet e Shqipërisë në aspektin ekonomik janë të mëdha, konstatime të cilat u bënë menjëherë edhe në vende të tjera. Por besoj se të gjithë biem dakord që ai moment, apo ajo ditë, nuk ishte thjesht një ditë, por një imazh për Shqipërinë”, tha ndër të tjera Balla.
Top Channel
