Olivia dhe Muhammad në krye të listës, publikohen emrat më popullorë të vitit 2025 në Angli dhe Uells 09/07 18:01
Skema e ngjyrave
Madhësia e shkrimit
Një dhuratë e pazakontë nga presidenti turk Recep Tayyip Erdogan për liderët e NATO-s ka shkaktuar diskutime dhe sfida praktike pas përfundimit të samitit të Aleancës në Ankara.
Në largim nga samiti, Erdogan u dhuroi të gjithë krerëve të shteteve dhe qeverive të NATO-s një revole të gdhendur të modelit “Gumusay 357 Magnum”, të shoqëruar edhe me municion të vërtetë, duke e kthyer dhuratën në më shumë sesa një objekt ceremonial.
Sipas mediave ndërkombëtare, arma ishte vendosur në një kuti druri ku shfaqeshin flamuri i Turqisë, logoja e NATO-s dhe një pllakë përshkruese në turqisht dhe anglisht. Çdo revole ishte e personalizuar me emrin e liderit që e merrte.
Dhurata synonte të promovonte industrinë turke të mbrojtjes, e cila vitet e fundit është shndërruar në një nga sektorët më të rëndësishëm të eksporteve të vendit.
Megjithatë, revolja me municion ka krijuar probleme praktike për disa delegacione lidhur me transportin, procedurat doganore dhe ruajtjen e armës.
Kryeministri belg Bart De Ëever deklaroi se u befasua kur gjeti armën dhe fishekët në bagazhin e tij pas kthimit në Belgjikë. Ai ia dorëzoi revolen policisë së Aeroportit të Brukselit, ku është vendosur në ruajtje të sigurt.
Në Poloni, revolja e presidentit Karol Naërocki po pret përfundimin e procedurave doganore në aeroportin e Varshavës, përpara se të vendoset në një ambient të sigurt. Një këshilltar i presidentit ironizoi situatën duke thënë se “sigurisht që askush nuk do të qëllojë me të”.
The pistol gifted by Turkish President Recep Tayyip Erdogan to Lithuanian President Gitanas Nauseda at NATO summit in Ankara. Picture taken in Vilnius, Lithuania July 9, 2026. Lithuanian President’s Office/Handout via REUTERS THIS IMAGE HAS BEEN SUPPLIED BY A THIRD PARTY REFILE – QUALITY REPEAT TPX IMAGES OF THE DAY
Ndërkohë, zyrat e kryeministrave të Holandës dhe Suedisë njoftuan se armët ndodhen ende në ambasadat e tyre në Ankara, në pritje të dokumentacionit të nevojshëm për import. Revolja e Holandës pritet të çaktivizohet përpara se të sillet në vend.
Sipas raportimeve, kryeministri britanik Keir Starmer mori jo vetëm revolen, por edhe një komplet për pastrimin e saj dhe 500 fishekë.
Nga ana tjetër, kryeministrja italiane Giorgia Meloni e ka vendosur armën mes dhuratave zyrtare shtetërore në Palazzo Chigi, ndërsa presidentja e Komisionit Evropian Ursula von der Leyen ka bërë të ditur se planifikon ta dhurojë revolen në një muze ushtarak.
Modeli “Gumusay 357 Magnum”, i prodhuar nga kompania shtetërore turke MKE gjatë viteve 1990, konsiderohet një armë e rrallë për koleksionistët. Sipas të dhënave të Small Arms Survey, Turqia ishte eksportuesi i tretë më i madh në botë i armëve të vogla për periudhën 2019–2024, pas Shteteve të Bashkuara dhe Italisë.
Top Channel
