Zelensky uron SHBA-në për 250-vjetorin e Pavarësisë, presidenti ukrainas kujton thirrjet për paqe: Nëse qëndrojmë së bashku, do t’ia dalim 04/07 16:19
Skema e ngjyrave
Madhësia e shkrimit
Komisioni Europian e pranoi se sistemi i ri për regjistrimin e hyrje-daljeve në BE, po shkakton vështirësi në pikat kufitare, ndërsa mijëra udhëtarë janë përballur me pritje të gjata dhe vonesa gjatë sezonit veror.
Një zëdhënës i Komisionit tha se Brukseli është në dijeni të problemeve që kanë shoqëruar zbatimin e sistemit dhe se po bashkëpunon ngushtë me shtetet anëtare për të monitoruar situatën dhe për të gjetur zgjidhje. Megjithatë, ai theksoi se nuk ka plane për pezullimin e EES-së.
Sistemi në fjalë regjistron në mënyrë elektronike hyrjet dhe daljet e shtetasve të vendeve jashtë bllokut europian, duke zëvendësuar vulat tradicionale në pasaporta. Gjatë kontrolleve kufitare mblidhen të dhëna biometrike, përfshirë gjurmët e gishtërinjve dhe fotografinë e fytyrës.
Megjithatë, sipas Politico, zbatimi i sistemit ka krijuar kolona të gjata në aeroporte dhe pika kufitare. Shoqatat e kompanive ajrore dhe aeroporteve europiane paralajmërojnë se në disa raste pritjet zgjasin deri në pesë orë, ndërsa shumë udhëtarë kanë humbur fluturimet për shkak të procedurave të ngadalta.
Përfaqësuesit e industrisë së aviacionit i kanë kërkuar KE-së t’u mundësojë shteteve anëtare pezullimin e përkohshëm të sistemit në rastet kur fluksi i udhëtarëve tejkalon kapacitetet e pikave kufitare. Sipas tyre, pa masa shtesë dhe rritje të numrit të personelit, situata mund të rëndohet edhe më tej gjatë kulmit të sezonit turistik në korrik dhe gusht.
Top Channel
