Video/ Pamje tronditëse! Vrasja e oficerit të policisë në Kanada, momenti kur autori hap zjarr ndaj tij 23/06 15:49
Skema e ngjyrave
Madhësia e shkrimit
Presidenti amerikan Donald Trump ka deklaruar se Irani ka pranuar të lejojë “inspektime bërthamore të nivelit më të lartë” pa kufizim kohor, pavarësisht se autoritetet iraniane kanë mohuar çdo ndryshim në qëndrimin e tyre lidhur me mbikëqyrjen ndërkombëtare të programit bërthamor.
Në një postim në rrjetin social Truth Social, Trump shkroi se Teherani ka rënë dakord për inspektime “në të ardhmen, pafundësisht”, duke e cilësuar këtë si një garanci për “ndershmërinë bërthamore”. Ai paralajmëroi se pa një marrëveshje për inspektimet, nuk do të ketë negociata të mëtejshme mes palëve.
Deklaratat e Trump vijnë pas raundit të parë të bisedimeve SHBA-Iran të zhvilluara në Zvicër. Një ditë më parë, zëvendëspresidenti JD Vance tha se ishte arritur një “pikë e rëndësishme” në negociata, pasi Irani kishte pranuar rikthimin e inspektorëve të Agjencisë Ndërkombëtare të Energjisë Atomike (IAEA).
Megjithatë, disa orë më vonë, Ministria e Jashtme iraniane kundërshtoi këto pretendime, duke theksuar se bashkëpunimi me IAEA-n do të vazhdojë vetëm sipas procedurave ekzistuese dhe se nuk është marrë asnjë angazhim i ri në kuadër të negociatave.
Në të njëjtin postim, Trump konfirmoi gjithashtu se SHBA do të vazhdojë të lejojë lehtësimin e disa kufizimeve ekonomike ndaj Iranit. Sipas tij, çdo fond i liruar do të përdoret për blerjen e produkteve ushqimore dhe furnizimeve mjekësore nga Shtetet e Bashkuara, përfshirë misër, grurë dhe sojë.
Presidenti amerikan e përshkroi situatën në Iran si një krizë humanitare dhe tha se ndihma duhet të jepet menjëherë, ndërsa shtoi se negociatat mes dy vendeve “po ecin mirë”, pavarësisht mospërputhjeve publike mbi përmbajtjen e marrëveshjes.
Top Channel
