Të shtëna me armë në një bibliotekë në Kaliforninë Veriore/ Dy të vdekur dhe një i plagosur, arrestohet autori

Sipas autoriteteve lokale, ngjarja ndodhi rreth orës 17:00 me orën lokale në Bibliotekën e Qarkut Butte, në qytetin Chico. Shefi i Policisë së Chico-s, Billy Aldridge, deklaroi gjatë një konference për shtyp se policia mori njoftime për të shtëna me armë dhe britma nga brenda bibliotekës.

Pas hyrjes në objekt, autori i dyshuar u largua nga dera e pasme e bibliotekës, por u arrestua menjëherë nga oficerët që ndodheshin në pjesën e pasme të godinës.

“Ky incident është jashtëzakonisht i trishtueshëm dhe traumatik për shumë njerëz në komunitetin tonë”, tha Aldridge.

Autoritetet konfirmuan se dy persona humbën jetën, ndërsa një fëmijë u transportua në spital me lëndime të lehta. Deri më tani nuk janë bërë publike identitetet e viktimave, pasi autoritetet po presin të njoftojnë familjarët e tyre.

Po ashtu, nuk janë dhënë ende detaje mbi identitetin e autorit apo motivin e sulmit, megjithëse hetuesit besojnë se ai ka vepruar i vetëm.

Qarku Butte u ka bërë thirrje qytetarëve të shmangin zonën, ndërsa njoftoi se të gjitha degët e bibliotekës do të qëndrojnë të mbyllura deri në një njoftim të ri.

Two people were killed and one person was taken into custody following a shooting at the Chico Branch Library in California.
➡️ A major response by police, fire and emergency agencies was launched. Authorities say there is no ongoing threat, and the investigation remains active pic.twitter.com/gNGw3prj5x

— DDF NEWS (@ddfmarketing1) June 23, 2026

Top Channel