Takimi me ndërmjetësuesit pakistanezë, Vance shmang pyetjen për Netanyahun 21/06 13:52
Skema e ngjyrave
Madhësia e shkrimit
Delegacionet e Shteteve të Bashkuara, Iranit dhe Pakistanit kanë mbërritur në Zvicër, ku pritet të zhvillohen bisedime të rëndësishme mes Uashingtonit dhe Teheranit.
Takimet do të zhvillohen në resortin malor Bürgenstock, pranë Liqenit të Lucernës, ku negociatorët amerikanë dhe iranianë pritet të nisin diskutimet gjatë ditës.
Në krye të delegacionit amerikan është zëvendëspresidenti JD Vance, ndërsa Iranin pritet ta përfaqësojë negociatori kryesor Mohammad Bagher Ghalibaf. Bisedimet do të zhvillohen në një format katërpalësh, me pjesëmarrjen edhe të përfaqësuesve nga Pakistani dhe Katari, sipas Ministrisë së Jashtme iraniane.
Një nga temat kryesore të diskutimeve pritet të jetë programi bërthamor i Iranit, ndërsa SHBA synon të arrijë përparim në negociatat për kufizimin e aktiviteteve bërthamore të Teheranit.
Në fokus pritet të jetë edhe situata në Lindjen e Mesme, veçanërisht tensionet mes Izraelit dhe Hezbollahut në Liban, të cilat kanë rrezikuar marrëveshjet e fundit diplomatike mes palëve.
Bisedimet shihen si një përpjekje për të ulur tensionet mes Uashingtonit dhe Teheranit, pas një periudhe të gjatë përplasjesh politike dhe sigurie.
Top Channel
