Lindja e Mesme nga kriza në krizë/ Analiza e BBC: Lufta është e lehtë për t’u nisur, por nuk përfundon me një fitore të qartë

Rajoni po ndryshon, por jo në mënyrën që ata prisnin, thotë Jeremy Bowen i BBC-së. Republika Islamike e Iranit nuk është mundur, dhe rreziku tani është ai i një rrethi vicioz krizash, që mund të shtrihet mes konflikteve të hapura dhe tensioneve të vazhdueshme.

Bowen mendon se regjimi iranian rezultoi një sfidë më e madhe ngasa e kishin supozuar Trump dhe Netanyahu. Incidenti më i fundit, rrëzimi i helikopterit amerikan Apache nga Irani, është sipas analistit një kujtesë tjetër se udhëheqësit iranianë mund t`i dëmtojnë amerikanët dhe nuk do të heqin dorë nga vendosmëria për të dalë fitues nga kjo luftë.

Për ta, fitorja do të thotë mbijetesë, duke përfshirë njohjen e kontrollit të tyre mbi Ngushticën e Hormuzit, një nga rrugët më strategjike detare në botë. Trump ka besuar tek një marrëveshje me Iranin për të rihapur Ngushticën e Hormuzit dhe për të negociuar kushtet e bisedimeve afatgjata mbi çështjet më të mëdha, duke filluar me rezervat e uraniumit të pasuruar të Iranit dhe planet më të gjera bërthamore. Kjo nuk po ndodh.

Lufta e Iranit nuk është popullore në Amerikë, dhe Trump vazhdon BBC dëshiron një rrugëdalje që mund ta paraqesë si fitore. Kjo po rezulton një sfidë e vështirë. Trump dhe Kryeministri izraelit Benjamin Netanyahu po nxjerrin një mësim të vjetër: që nga momenti që njerëzit zbuluan artin dhe mallkimin e luftës, liderët kanë kuptuar se është më e lehtë të fillosh një luftë sesa ta mbarosh me një fitore të qartë.

Top Channel