Zjarr i përmasave të mëdha dhe kaos në Ekuador, digjen 35 anije peshkimi në portin e Mantas

Sipas autoriteteve, të paktën 35 anije peshkimi janë shkatërruar ose dëmtuar rëndë, ndërsa disa persona kanë mbetur të plagosur dhe janë transportuar në spitalet lokale për trajtim mjekësor.

Zjarri shpërtheu në portin e qytetit në provincën e Manabí, një nga qendrat më të rëndësishme të industrisë së peshkimit në Amerikën Latine, e njohur edhe si “Kryeqyteti Botëror i Tonit”.

𝗜𝗻𝗰𝗲𝗻𝗱𝗶𝗼 𝗲𝗻 𝗽𝘂𝗲𝗿𝘁𝗼 𝗱𝗲 𝗠𝗮𝗻𝘁𝗮 𝗱𝗲𝗷𝗮 𝟯𝟱 𝗲𝗺𝗯𝗮𝗿𝗰𝗮𝗰𝗶𝗼𝗻𝗲𝘀 𝗱𝗲𝘀𝘁𝗿𝘂𝗶𝗱𝗮𝘀

Las autoridades de Ecuador informaron que aumentó a 35 la cifra de embarcaciones destruidas tras el incendio ocurrido en el puerto de Manta, ubicado en la provincia… pic.twitter.com/TNfifSJoCu

— dereporte (@dereportecom) June 7, 2026

Pamjet e publikuara në rrjetet sociale tregojnë anije të përfshira nga flakët, të cilat shpërthejnë njëra pas tjetrës, ndërsa re të dendura tymi të zi mbulojnë të gjithë zonën e portit.

Fillimisht u raportua për mbi 20 anije të dëmtuara, por shifrat më të fundit të autoriteteve e kanë çuar numrin në 35.

Devastador panorama en Manta. Reportan lo que sería un ataque terrorista contra varias embarcaciones. https://t.co/ricMWjSFgd pic.twitter.com/auqmt56013

— Emergencias Ec (@EmergenciasEc) June 6, 2026

Sipas informacioneve paraprake, zjarri ka nisur në një anije dhe është përhapur me shpejtësi në varkat e tjera të ankoruara pranë saj, duke shkaktuar disa shpërthime të forta. Dëshmitarët thanë se kanë dëgjuar të paktën tetë shpërthime gjatë incidentit.

Autoritetet bëjnë me dije se katër persona janë plagosur, kryesisht me djegie, dhe po marrin trajtim në Spitalin Rodriguez Zambrano Hospital.

Ekipet e emergjencës dhe zjarrfikësit vijojnë punën në zonë, ndërsa trafiku në afërsi të portit është devijuar për të lehtësuar operacionet e shpëtimit.

Ndërkohë, Policia Kombëtare e Ekuador ka nisur një hetim për të zbardhur shkaqet e zjarrit, të cilat mbeten ende të paqarta. Autoritetet paralajmërojnë se dëmet ekonomike pritet të jenë të konsiderueshme, duke pasur parasysh rëndësinë e portit të Mantës për industrinë e peshkimit dhe tregtisë në vend.

Top Channel