Shfaqje force nga Pheniani, Kim Jong Un mbikëqyr testet e anijes së re luftarake

Sipas agjencisë shtetërore të lajmeve KCNA, Kim vizitoi shkatërruesin 5,000-tonësh për të vlerësuar aftësitë e tij operacionale. Në pamjet e publikuara nga mediat shtetërore, ai shfaqet i shoqëruar nga vajza e tij adoleshente, Kim Ju-ae, prania e së cilës në daljet publike ka nxitur spekulime për një rol të mundshëm udhëheqës në të ardhmen.

Gjatë inspektimit, Kim deklaroi se marina e Koresë së Veriut duhet të zhvillohet më shpejt për të luajtur një rol më të rëndësishëm në strategjinë e pengimit bërthamor të vendit dhe për të qenë në gjendje të godasë kundërshtarët “në çdo kohë, nën ujë ose në sipërfaqen e detit”.

North Korea’s Kim Jong Un and daughter Kim Ju Ae oversaw navigation trials of the destroyer Kang Kon on Thursday.

Kim stressed strengthening naval forces as part of the nuclear deterrent, praising the crew’s performance and the ship’s cruising and high-speed maneuverability.

He… pic.twitter.com/z1i8Nv3pIv

— Vitamvivere (@Vitamvivere) June 6, 2026

Sipas KCNA-së, modernizimi i marinës përbën një nga shtyllat kryesore të planit të ri pesëvjeçar të mbrojtjes, i cili përfshin ndërtimin e shkatërruesve më të mëdhenj të klasit 10,000 tonësh dhe zhvillimin e sistemeve të reja të armëve nënujore.

Zhvillimi vjen vetëm pak ditë para vizitës së planifikuar në Phenian të presidentit kinez Xi Jinping. Vizita shihet si një tregues i forcimit të marrëdhënieve mes Kinë dhe Koreja e Veriut.

Njoftimi për testimin e anijes luftarake erdhi gjithashtu një ditë pasi Pheniani zbuloi një strukturë të re për pasurimin e uraniumit. Gjatë vizitës në këtë objekt, Kim u zotua të rrisë aftësitë bërthamore të vendit “me ritëm eksponencial”, në një tjetër sinjal për vazhdimin e programit ushtarak të Koresë së Veriut.

“Kang Kon” është shkatërruesi i dytë i kësaj klase i prezantuar nga Pheniani. Anija ishte dëmtuar gjatë një ceremonie lëshimi në maj të vitit të kaluar në portin e Chongjin, incident që Kim e kishte cilësuar atëherë si “kriminal”. Sipas autoriteteve koreano-veriore, anija u restaurua dhe u rilançua në qershor, megjithëse ekspertë të jashtëm vazhdojnë të shprehin dyshime mbi funksionalitetin e saj të plotë.

Pheniani ka njoftuar gjithashtu planet për ndërtimin e dy shkatërruesve të tjerë 5,000-tonësh, në kuadër të strategjisë për zgjerimin e aftësive detare dhe ushtarake të vendit.

Top Channel