Qytetarë nga disa qytete të Shqipërisë janë bashkuar sot në një valë protestash kundër projektit në Zvërnec.
Në Elbasan, qytetarë iu përgjigjën thirrjes për protestë, duke u bashkuar me protestuesit e ardhur nga qytete të tjera.
Pas protestës së mbajtur në Zvërnec, lëvizja protestuese është zhvendosur këtë të premte edhe në Kukës. Një grup qytetarësh dhe përfaqësues të shoqërisë civile u mblodhën në qendër të qytetit, duke shprehur pakënaqësi ndaj Paketës së Maleve dhe duke rikthyer në vëmendje çështjen e tokave të përmbytura nga ndërtimi i Hidrocentralit të Fierzës.
Ndërkohë, protestës iu bashkuan edhe banorë të Korçës, ku qindra qytetarë u mblodhën në zonën këmbësore të qytetit. Ata mbajtën edhe një minutë heshtje në nderim të efektivit të vrarë një ditë më parë, Enea Mekolli.
Top Channel
