Përshkallëzohet kriza në Lindjen e Mesme, Presidenti libanez akuzon Izraelin pas marrjes së fortesës Beaufort 01/06 09:00
Skema e ngjyrave
Madhësia e shkrimit
Presidenti i SHBA-së, Donald Trump, deklaroi se projekt-marrëveshja ndërmjet Uashingtonit dhe Teheranit përqendrohet kryesisht te programi bërthamor iranian, duke kundërshtuar raportimet që sugjeronin të kundërtën.
Në një postim të publikuar në platformën e tij Truth Social, Trump hodhi poshtë një raport të transmetuar nga CNN, sipas të cilit marrëveshja e propozuar nuk trajtonte në mënyrë thelbësore çështjen bërthamore të Iranit.
“CNN me lajmet e rreme tha sot, siç bën zakonisht, se marrëveshja ime bërthamore me Iranin nuk flet për bërthamore, kur në fakt thotë shumë qartë se Irani nuk do të marrë një armë bërthamore”, shkroi presidenti amerikan.
Trump theksoi se dokumenti përmban dispozita të detajuara dhe gjithëpërfshirëse që lidhen me aktivitetet bërthamore të Iranit.
“Marrëveshja i referohet në detaje shumë të forta dhe të gjera aspekteve të tjera të çështjes bërthamore. Në fakt, kjo është pjesa më e madhe e marrëveshjes”, shtoi ai.
Presidenti amerikan nuk kurseu kritikat ndaj CNN, duke e cilësuar rrjetin televiziv si “një katastrofë me shikueshmëri të ulët”.
Deklaratat e Trump vijnë në një kohë kur raportime të publikuara javën e kaluar sugjeronin se Shtetet e Bashkuara dhe Irani kanë arritur një draft-marrëveshje, e cila megjithatë kërkon miratimin përfundimtar nga udhëheqjet e të dy vendeve.
Deri më tani, as Uashingtoni dhe as Teherani nuk kanë njoftuar zyrtarisht ndonjë hap për ratifikimin ose zbatimin e marrëveshjes së propozuar, ndërsa negociatat mbeten në qendër të vëmendjes së diplomacisë ndërkombëtare.
Top Channel
