Zgjerimi i operacioneve ushtarake izraelite në Liban, OKB njofton mbledhje urgjente të Këshillit të Sigurimit 31/05 19:43
Skema e ngjyrave
Madhësia e shkrimit
Autoritetet shëndetësore në Cagliari, kryeqytetin e ishullit të Sardenjës në Itali kanë ngritur alarmin pas identifikimit të një rasti të dyshuar me virusin e Ebolës.
Bëhet fjalë për një person që ishte kthyer së fundmi nga jashtë vendit dhe kishte shfaqur simptoma që përputheshin me sëmundjen.
Menjëherë pas sinjalizimit, u aktivizua protokolli i emergjencës. Në vendngjarje mbërritën ekipet shëndetësore, policia, zjarrfikësit dhe policia lokale për të mbështetur operacionin.
Mjekët dhe infermierët, të pajisur me veshje speciale mbrojtëse dhe maska, hynë në banesën e personit të dyshuar, ndërsa zona u izolua përkohësisht si masë paraprake.
Pacienti u transportua më pas në Qendrën e Sëmundjeve Infektive të spitalit Santissima Trinità, ku po i nënshtrohet analizave dhe testeve të nevojshme për të përcaktuar nëse bëhet fjalë për një rast të konfirmuar me Ebola.
Top Channel
