“Ne kemi qenë çdo ditë në krah të studentëve”/ Noka: Protesta e Flamingove u asgjësua nga Rama, koha e tregoi se disa u blenë si derrat 31/10 13:22
Skema e ngjyrave
Madhësia e shkrimit
Dita kur ministri grek Nikos Dendias shkeli në Tiranë për t’u takuar me Kryeministrin, ishte një ditë e mirë për Sali Berishën për të mbrojtur paktin e tij për detin me Greqinë dhe sulmuar Edi Ramën për sabotim të marrëveshjes me shtetin fqinj.
“E kam theksuar dhe e theksoj se Edi Rama, për llogari të palëve të treta, bëri gjithçka që të sabotonte marrëveshjen e arritur para vitit 2013 me palën greke. E kam theksuar dhe e theksoj se ajo ishte një marrëveshje ku të dy palët fitonin, ishte win-win marrëveshje”, tha Berisha.
Kryedemokrati këmbëngul se pas rrëzimit nga Gjykata Kushtetuese marrëveshja duhej të dërgohej në Hagë, pa hapur një proces të ri negociatash, por Edi Rama bëri të kundërtën.
“Edi Rama u thotë, do ta negociojmë bashkë edhe një herë marrëveshjen’. Ata i thonë: ‘Po shumë mirë, gati’. Dhe u futën në negociata. Dy vite negociata. Kotzias, që erdhi në Korçë për të sigluar, pa që kishte të bënte me një bandë të papërgjegjshme.
Pasi e panë se s’do vihej firma, u kujtuan se ka një vendim gjykate, u kujtuan se ka President e të tjerë me radhë. Pala greke u largua nga Korça dhe pas nja dy muajsh-tre muajsh shpalli rivendikimin e 12 kilometrave në ujërat e veta territorialë”, tha Berisha.
Nuk hoqi dorë nga karrigia e kryetarit dhe nuk ka në plan të heqë dorë as nga ambicia për të qenë sërish kandidat për Kryeministër.
“Një mikun tim, mik të shquar të them të vërtetën, e kanë uruar kryeministër kur ai ishte 95 vjeç. Dhe po të lexosh për të atin, ai i drejtoi me sukses të plotë atë qeveri. Po a do jem unë si ai, kjo varet nga i madhi Zot dhe demokratët”, tha Berisha.
Berisha e kaloi me buzëqeshje mungesën e urimeve nga partitë simotra për rizgjedhjen e tij në krye të PD-së, duke u justifikuar se as ai nuk dërgon mesazhe të tilla.
Top Channel
