“Grumbulloni ushqime dhe sendet bazë”, kubanezët përgatiten për ‘pushtim’, SHBA-të përshkallëzojnë tensionet me ishullin 17/05 11:10
Një ngjarje e rëndë ka tronditur qytetin e Modenës në Itali, ku një shofer makine ka përplasur me shpejtësi një grup këmbësorësh, duke lënë të plagosur rëndë disa persona dhe duke shkaktuar një reagim të gjerë institucional në vend.
Sipas informacioneve të para, dy nga të plagosurit më rëndë i janë nënshtruar ndërhyrjeve kirurgjikale për amputimin e gjymtyrëve të poshtme, për shkak të dëmtimeve ekstreme të shkaktuara nga përplasja. Një grua 55-vjeçare mbetet në gjendje kritike, pasi u shtyp mes makinës dhe një vitrine dyqani, ndërsa dy persona të tjerë, të moshës 52 dhe 69 vjeç, ndodhen gjithashtu në gjendje të rëndë.
Italian authorities are investigating after 31-year-old Salim El Koudri allegedly drove at high speed through Via Emilia in Modena, hitting multiple pedestrians before crashing and allegedly stabbing a bystander who tried to stop him from fleeing.
At least eight people were… pic.twitter.com/UPfvPZ34aF
— Breaking911 (@Breaking911) May 17, 2026
Pas incidentit, autoritetet italiane kanë reaguar menjëherë në nivel të lartë politik. Kryeministrja e Italisë ka anuluar vizitën e planifikuar jashtë vendit dhe është nisur drejt Modenës, ndërsa edhe Presidenti i Republikës ka paralajmëruar një vizitë në qytet, duke shprehur mirënjohje për qytetarët që ndihmuan në arrestimin e autorit të dyshuar.
Kryebashkiaku i qytetit ka deklaruar se autori i ngjarjes ka qenë më parë nën vëzhgim të shërbimeve të shëndetit mendor për probleme psikologjike, duke theksuar se gjithçka tregon për një akt individual të rëndë, jashtë çdo kufiri racional.
Autori i dyshuar, një 31-vjeçar me shtetësi italiane dhe origjinë marokene, raportohet se ka studiuar ekonomi dhe nuk ka pasur precedentë penalë të mëparshëm. Sipas mediave italiane, ai kishte shfaqur kohët e fundit probleme të natyrës mendore.
Prokuroria ka nisur hetimet për të zbardhur plotësisht rrethanat e ngjarjes dhe motivet që çuan në përplasjen e dhunshme, ku përveç këmbësorëve të plagosur, u lëndua edhe një person që u përpoq të ndalonte autorin pas daljes së tij nga automjeti.
Autoritetet po vijojnë punën për të rindërtuar minutë pas minute dinamikën e ngjarjes, ndërsa gjendja e disa prej të plagosurve mbetet ende e rëndë.
Top Channel
