“Të kërkoj ndjesë që të ula gradat”, Manja i përgjigjet me ironi Peleshit: Dominoi cinizmi yt me mikrofon. Kreu i Kuvendit: Fjalët e tua do t’i studioj, sjelljen s’e ndryshoj
14/05 21:30
Socialisti Erion Braçe i bëri opozitën mazhorancës gjatë mbrëmjes, në seancën maratonë të së enjtes, ku vuri përballë në interpelancë dy ministra.
Ai e nisi me zemërim për mungesën e ministrit të Bujqësisë, në interpelancën e kërkuar prej tij për shëndetin e kafshëve. Përballjen për këtë shqetësim, Braçe e zhvilloi me ministrin e Pushtetit Vendor, Ervin Demo, por nuk i kurseu sulmet ndaj Andis Sallës të Bujqësisë.
Më pas, radhën për t’u përballur me deputetin socialist e pati ministri i Brendshëm, Besfort Lamallari, ku shqetësimi ishte për zjarrfikësit.
Interpelancat në Kuvend vijuan gjatë mbrëmjes, ku kreu i partisë “Mundësia”, Agron Shehaj, u përplas me zëvendëskryeministren Albana Koçiu, për çështjen e pronave në Rrjoll.
Kriza e çmimeve vuri në përballjen e të enjtes edhe në ministren e Ekonomisë, Delina Ibrahimaj, e cila debatoi me demokratin Eno Bozdo.
Seanca plenare u mbyll pas më shumë se 10 orës debate, ku në orët e paradites ishte Sali Berisha që trazoi sallën, ndërsa nuk mungoi as një moment i veçantë kur ministri i Jashtëm, Ferit Hoxha, për pak minuta i zuri vendin kryeministrit Edi Rama, por u lëviz nga punonjësit e protokollit e Kuvendit.
Top Channel
