Gjyqi ndaj Ekrem Imamoglu/ Gjykata lë në paraburgim kryebashkiakun e Stambollit, ja sa vite burg rrezikon kundërshtari i Erdogan 13/05 18:22
Prokuroria franceze i ka propozuar Gjykatës së Apelit një dënim me shtatë vite burg, një gjobë prej 300 mijë eurosh dhe heqjen e së drejtës për të kandiduar për pesë vjet ndaj ish-presidentit Nicolas Sarkozy, në lidhje me çështjen e financimit të dyshuar libian të fushatës presidenciale të vitit 2007.
Kërkesa u paraqit nga Prokurori i Përgjithshëm, Rodolphe Jouy-Birman, i cili deklaroi para trupit gjykues se Sarkozy “duhet të ndëshkohet në përputhje me seriozitetin e veprimeve”, duke theksuar se ish-presidenti “duhet të trajtohet si çdo i pandehur tjetër”.
Propozimi i prokurorisë në apel mbetet i njëjtë me atë të paraqitur gjatë gjykimit në shkallën e parë.
Në vendimin e mëparshëm, Sarkozy ishte dënuar me pesë vjet burg me kusht, një gjobë prej 100 mijë eurosh dhe heqje të të drejtave politike për pesë vjet, me efekt të menjëhershëm.
Çështja lidhet me dyshimet se fushata presidenciale e Sarkozy në vitin 2007 është financuar në mënyrë të paligjshme nga regjimi i ish-liderit libian Muammar Gaddafi.
Top Channel
