Humbja e Partisë Laburiste në zgjedhjet lokale, reagon Starmer: Nuk kam ndërmend të jap dorëheqjen, do ta çoj mandatin deri në fund 08/05 10:26
Tre alpinistë, dy prej të cilëve të huaj, humbën jetën dhe 10 të tjerë u zhdukën pasi vullkani Dukono shpërtheu në ishullin Halmahera të Indonezisë, tha një zyrtar i shpëtimit.
“Ka tre të vdekur, dy të huaj dhe një banor i ishullit Ternate”, tha Erlichson Pasaribu, shefi i policisë së provincës Halmahera të Veriut në Moluccas, për Kompas TV.
Massive eruption of Mt. Dukono volcano in North Maluku Province, Indonesia 🇮🇩 (08.05.2026) pic.twitter.com/gdL9HclkqN
— Disaster News (@Top_Disaster) May 8, 2026
Dhjetë persona të tjerë janë të zhdukur në këtë zonë, e cila ishte mbyllur për vizitorët që nga 17 prilli, kur shkencëtarët vunë re një rritje të aktivitetit vullkanik.
Shpërthimi, i cili ndodhi herët këtë mëngjes, u shoqërua nga një “zhurmë” dhe një shllungë tymi të dendur që u ngrit rreth 10 kilometra mbi majën e Dukonos, një vullkan i vendosur në provincën Maluku të Veriut, tha Lana Saria, kreu i Shërbimit Kombëtar Gjeologjik të Indonezisë.
“Hiri po shkon drejt veriut, zonat e populluara dhe qyteti i Tombelo duhet të jenë në gatishmëri për shiun e hirit vullkanik”, theksoi ajo në një deklaratë.
Top Channel
