U akuzua për rrjet të strukturuar spiunazhi, KE liron nga akuzat komisionerin hungarez Oliver Varhelyi 08/05 20:28
Presidenti i SHBA-së, Donald Trump, njoftoi sot një shkëmbim të papritur të të burgosurve dhe një armëpushim tre-ditor në luftën e Rusisë kundër Ukrainës, nga 9 deri më 11 maj.
Njoftimi vjen mes tensioneve në rritje midis Kievit dhe Moskës në prag të festimeve të “Ditës së Fitores” në Rusi. Ndërsa Kremlini shpalli një armëpushim të përkohshëm në nder të festës së 9 majit, Ukraina ka qenë skeptike se Rusia do t’i respektojë kushtet e veta.
“Jam i kënaqur të njoftoj se do të ketë një armëpushim tre-ditor (9, 10 dhe 11 maj) në Luftën midis Rusisë dhe Ukrainës”, shkroi Trump në Truth Social.
“Festimi në Rusi është për Ditën e Fitores, por, po ashtu, edhe në Ukrainë, sepse ata ishin gjithashtu një pjesë dhe faktor i madh i Luftës së Dytë Botërore.
Ky armëpushim do të përfshijë një pezullim të të gjitha aktiviteteve kinetike, si dhe një shkëmbim burgjesh prej 1,000 të burgosurish nga secili vend”, shtoi presidenti.
Trump pretendoi se e kishte kërkuar personalisht armëpushimin dhe se për të ishte rënë dakord si Presidenti Volodymyr Zelensky ashtu edhe Presidenti rus Vladimir Putin.
Top Channel
