Dy iranianë akuzohen për komplot terrorist ndaj komunitetit hebre në Mançester, dyshohet se përdorën aplikacione të koduara për të siguruar pajisje shpërthyese 02/10 22:51
Skema e ngjyrave
Madhësia e shkrimit
Çmimet globale të ushqimit janë rritur për të tretin muaj radhazi, e kjo për shkak të rritjes së kostos së energjisë dhe plehrave kimikë.
Indeksi i Çmimeve të Ushqimit i Organizatës së Kombeve të Bashkuara (FAO) tregoi se çmimet e mallrave të shportës ushqimore u rritën me 1.6% në prill, duke iu shtuar rritjeve të mëparshme në muajt shkurt dhe mars. Çmimet e vajrave bimore, mishit dhe drithërave të gjitha u rritën, megjithëse çmimet e sheqerit dhe produkteve të qumështit ranë pak, thotë The Guardian.
Çmimet e drithërave u rritën me 0.8% në prill, pjesërisht për shkak të thatësirave në disa pjesë të Shteteve të Bashkuara të Amerikës dhe reshjeve nën mesataren e zakonshme në Australi. FAO thotë se “ndikim në këtë situatë që risjell në kujtesë ngërçin e krijuar me çmimet globale gjatë luftës në Ukrainë, ka pasur edhe ulja e rendimentit të grurit gjatë këtij viti, pasi fermerët po kalojnë në kultura më pak intensive në raport me plehrat kimikë për shkak të kostos së lartë të këtyre të fundit, e cila është ndikuar edhe nga rritja e çmimit të energjisë dhe ndërprerjet e transportit që kanë të bëjnë më mbylljen e Hormuzit. Njoftimi tregon më tej se çmimet e vajrave bimore kanë pësuar rritje me 5.9% në prill, kryesisht për shkak të rritjes së çmimeve të vajit të palmës, sojës, lulediellit dhe misrit.
Kjo situatë mund të forcojë shqetësimet se çmimet e ushqimit do të vazhdojnë të rriten nëpër dyqane për muaj me radhë, dhe kjo mund të ndihet sidomos në Afrikë ku mund të ketë mungesa të reja furnizimi.
Top Channel
