Kryetari i Parlamentit të Libanit hedh poshtë mundësinë e paqes me Izraelin: Nuk ka negociata pa ndalim të plotë të luftës 04/05 15:23
Çmimet e naftës në tregjet ndërkombëtare janë rritur ndjeshëm, mes shqetësimeve për përshkallëzim të tensioneve mes SHBA-së dhe Iranit në Ngushtica e Hormuzit.
Sipas raportimeve, marina iraniane ka pretenduar se ka penguar dy anije amerikane të hyjnë në këtë korridor kyç për tregtinë globale të energjisë.
Nafta Brent, referenca globale, është rritur me 3.8%, duke arritur në 112.3 dollarë për fuçi. Ndërsa nafta amerikane WTI është rritur në 105.6 dollarë për fuçi.
Këto çmime pasqyrojnë kontratat për dorëzim në muajt e ardhshëm, duke reflektuar pritshmëritë e tregut për rrezikun e furnizimit.
Edhe pse SHBA ka njoftuar një plan për të mbështetur kalimin e lirë të anijeve tregtare, mbetet skepticizëm nëse një eskortë detare do të jetë e mjaftueshme për të garantuar sigurinë në zonë.
Ekspertët theksojnë se tregu po reagon jo vetëm ndaj ndërprerjeve aktuale, por edhe ndaj rrezikut që situata të përkeqësohet më tej.
Tensionet kanë reflektuar edhe në tregjet financiare, pasi kontratat e aksioneve amerikane sinjalizojnë hapje më të dobët, bursat në Paris dhe Frankfurt kanë shënuar rënie. Ndërkohë, në Azi, tregu i Koresë së Jugut është rritur, i nxitur nga sektori i teknologjisë
Situata në Gjirin Persik mbetet e paqëndrueshme, ndërsa çdo zhvillim i ri pritet të ndikojë drejtpërdrejt në çmimet globale të energjisë.
Top Channel
