Ministri Nufi mikpret delegacionin e Gardës Kombëtare të New Jersey: Rikonfirmim i mbështetjes së SHBA, thellojmë partneritetin mes vendeve 04/05 15:42
Në Komisionin për Punët e Jashtme, ministri për Europën dhe Punën e Jashtme, Ferit Hoxha, u shpreh se merita është kolona vertebrale e procesit drejt anëtarësimit të plotë në BE.
Edhe njëherë tjetër kryediplomati shqiptar hodhi poshtë qëndrimet e dy muajve të fundit të opozitës, e cila ngulmon se ky proces është bllokuar.
“Këto pretendime për bllokim nuk qëndrojnë. Nuk ka veto, nuk ka bllokim. Procesi vijon normalisht”, tha Hoxha. Por kjo përgjigje e ministrit nuk i bindi dot deputetët e opozitës për të ndryshuar qëndrim.
“Vendet anëtare nuk miratuan raportin IBAR. Ne kemi ngelur në vend me integrimin. Mos të gënjejmë, mos të bëjmë demagogji. Procesi i integrimit ka hyrë në kalendat greke dhe nuk dihet kur do të dali”, u shpreh Tritan Shehu, deputet i PD.
Qëndrimet e Tritan Shehut, socialisti Taulant Balla i quajti si lajme false. “Ne sot kemi shënuar rekordin historik të hapjes së kapitujve. Fjala jote Tritan, mu duk si mbledhjet e bashkimeve profesionale kur dikush kishte flokët e gjata”, tha Balla.
Në fund të muajt maj, vendet anëtare pritet të japin vlerësimin IBAR për Shqipërinë.
Top Channel
