Dy fëmijët u përplasën për vdekje, ndërsa një tjetër përfundoi te Trauma, Rama: Zoti u dhëntë forcë prindërve t’i mbijetojnë dhimbjes 03/05 22:39
Kryetari i Partisë Demokratike, Sali Berisha ka shprehur ngushëllimet për familjet e dy fëmijëve që humbën jetën pasi u përplasën për vdekje nga shtetasi Nikoll Radaçi.
Në një mesazh në rrjetet sociale, Berisha shkruan se, ‘fjalët nuk mjaftojnë për të shprehur dhimbjen dhe ngushëllimet më të ndjera familjeve të engjëjve viktima.’ Më tej kreu i selisë blu, e përshkruan shoferin si një ‘monstër që ia mbathi dhe i la të miturit në kthetrat e vdekjes’.
“Një tragjedi e vërtetë!
Miq, 58 vjeçari Radaçi iu mori jetën në Durrës me makinë dy djemve, njëri 10 dhe tjetri 13 vjeçar dhe të tretin 8 vjeçar e dëmtoi rëndë dhe si monstër ai ja mbathi.
I la në kthetrat e vdekjes. Nuk iu dha asnjë ndihmë. Autori është i njohur si i përkëdhelur i partisë së krimit, problematik për lagjen por imun e i paprekshëm.
Fjalët nuk mjaftojnë për të shprehur dhimbjen dhe ngushëllimet më të ndjera familjeve të engjëjve viktima.
Unë i lutem Zotit që shpirti i tyre të bëhet dritë dhe prindërit të gjejnë forcën për të përballuar këtë gjëmë të rëndë si dhe uroj shërim të shpejtë vogëlushit në spital. Kurse vrasësit të fëmijëve dhe mbrojtësve të tij ndëshkimin më të rëndë.”, shprehet Berisha.
Top Channel
