Siç raporton korrespondentja e Top Channel Vali Qyrfyçi, një 52-vjeçar që po eksploronte zonën bashkë me gruan me një motor me 4 rrota është rrezuar për shkak të terrenit të vështirë dhe ka ndërruar jetë.
Njoftimi i policisë:
Durrës / Informacion paraprakRreth orës 16:45, në vendin e quajtur “Kepi i Rodonit”, në një terren me shkurre, shtetasi A. K., rreth 52 vjeç, banues në Tiranë, duke drejtuar një motomjet (me 4 goma), dyshohet se ka humbur kontrollin, si pasojë e terrenit, dhe është rrëzuar.
Si pasojë, 52-vjeçari ka ndërruar jetë në vendngjarje.
Në motomjet ndodhej edhe bashkëshortja e tij, shtetasja E. K., 44 vjeçe, e cila është lënduar lehtë dhe ndodhet jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të rrethanave dhe shkakut të aksidentit.
