Autobusi bie në lumin Sena pas gabimit të shoferit praktikant, shpëtojnë të gjithë pasagjerët 30/04 16:05
Pakistani ka hapur gjashtë rrugë tokësore për të transportuar mallra në Iran, në një përpjekje për të anashkaluar ndërprerjet e rënda të shkaktuara nga bllokada amerikane e porteve iraniane dhe ndërprerja e lundrimit në Ngushticën e Hormuzit.
Vendimi u vu në fuqi menjëherë me një urdhër të Ministrisë së Tregtisë, duke lejuar që mallrat e vendeve të treta të kalojnë nëpër territorin pakistanez dhe të transportohen me rrugë tokësore në Iran.
Zhvillimi përkon me vizitën e Ministrit të Jashtëm iranian Abbas Araghchi në Islamabad, ku ai zhvilloi bisedime me Kryeministrin Shahbaz Sharif dhe Shefin e Ushtrisë Asim Munir, si pjesë e përpjekjeve të ndërmjetësimit për t’i dhënë fund konfliktit midis Shteteve të Bashkuara dhe Iranit.
Ministri Federal i Tregtisë Jam Kamal Khan e quajti iniciativën “një hap të rëndësishëm drejt nxitjes së tregtisë rajonale dhe shndërrimit të Pakistanit në një qendër kryesore tregtare”.
Aktivizimi i korridorit vjen si një përgjigje e drejtpërdrejtë ndaj kufizimit që ka lindur pas bllokadës detare të vendosur nga Shtetet e Bashkuara në portet iraniane, duke kufizuar në mënyrë drastike aksesin e Teheranit në det.
Top Channel
