Stërvitja ushtarake kthehet në tragjedi, tre humbin jetën nga shpërthimi i tankut në Japoni 21/04 09:44
Autoritetet në Los Angeles kanë ngritur akuza të rënda ndaj reperit D4vd, i cili dyshohet për vrasjen e 14-vjeçares Celeste Rivas, trupi i copëtuar i së cilës u zbulua muaj më parë në një automjet në pronësi të tij.
Sipas prokurorëve, 21-vjeçari, emri i vërtetë i të cilit është David Burke, dyshohet se kreu krimin për të mbrojtur karrierën e tij muzikore, pasi kishte një marrëdhënie të papërshtatshme me të miturën dhe kishte frikë nga ekspozimi i saj. Provat mjeko-ligjore dhe digjitale, sipas autoriteteve, tregojnë se vajza u vra me një mjet të mprehtë dhe më pas trupi i saj u copëtua.
d4vd appears in court w/ a reserved demeanor as his legal team enters a not guilty plea in connection w/ a reported homicide case, according to unconfirmed reports. pic.twitter.com/ovW1qZkYOL
— The XO Show ™ (@latenightxoshow) April 21, 2026
Ngjarja dyshohet të ketë ndodhur rreth 23 prillit 2025, pak kohë pasi 14-vjeçarja u raportua e zhdukur nga familja. Më vonë, më 5 maj, i pandehuri akuzohet se ka kryer edhe copëtimin e trupit. Trupi i vajzës u gjet shtatë muaj më pas në pjesën e pasme të një makine tip Tesla, i ndarë në dy çanta.
Sipas aktakuzës, marrëdhënia mes tyre kishte nisur që më herët, madje që kur vajza ishte vetëm 12 vjeç, duke përfshirë disa episode të dyshuara abuzimi seksual. Prokurori i qarkut, Nathan Hochman, e cilësoi rastin si një “vrasje brutale dhe të tmerrshme”, duke theksuar se viktima mund të jetë vrarë edhe për të penguar dëshminë e saj në një hetim.
D4vd përballet me akuza për vrasje të shkallës së parë me rrethana rënduese, përfshirë vrasjen e një dëshmitari, përfitim financiar dhe gjymtim të mbetjeve njerëzore. Për shkak të rëndësisë së çështjes, ai rrezikon edhe dënimin me vdekje.
Reperi është deklaruar i pafajshëm në gjykatë, ndërsa hetimet vijojnë për të zbardhur plotësisht rrethanat e kësaj ngjarjeje të rëndë që ka tronditur opinionin publik.
Top Channel
