Rrëzohet aeroplani privat në Zvicër/ Ndërron jetë piloti 64-vjeçar, ende nuk dihet shkaku i aksidentit fatal 20/04 20:59
Presidenti i Turqisë, Recep Tayyip Erdogan, njoftoi se qeveria do të ashpërsojë ligjet për armët pas një serie sulmesh në shkollat e vendit.
Erdogan theksoi se do të rriten dënimet për pronarët e armëve që ua vënë ato në dispozicion fëmijëve, ndërsa autoritetet po shqyrtojnë masa më të rrepta për kontrollin e armëmbajtjes.
Ngjarjet e fundit kanë tronditur vendin. Të martën e kaluar, në Sanliurfa, një ish-nxënës 19-vjeçar hapi zjarr në një shkollë të mesme, duke plagosur 16 persona, përpara se të vetëvritej.
Një ditë më pas, në Kahramanmaraş, një 14-vjeçar vrau tetë nxënës dhe një mësues në një shkollë, duke përdorur një armë që i përkiste babait të tij. Autori u gjet më pas i vdekur në vendngjarje.
Presidenti turk shtoi gjithashtu se qeveria po shqyrton kufizime shtesë për aksesin e të miturve në platformat e mediave sociale.
Top Channel
