Rama vizitë zyrtare në Romë dhe Barcelonë, zbardhet agjenda e kryeministrit 16/04 12:19
Senaca plenare e ditës se sotme nisi me një minutë heshtje për ndarjen nga jeta të ish-kongresmenit amerikan Eliott Engel.
“Eliot Engel ishte mik i madh i shqiptarëve dhe mbështetës i fortë i çështjes sonë kombëtare. I paharruar qoftë kujtimi i tij”, tha kryeparlamentari, Niko Peleshi.
Eliot Engel, ish-kongresmen demokrat i Nju Jorkut që përfaqësoi pjesë të Qarkut Westchester dhe veriun e Bronx-it për më shumë se tre dekada, ndërroi jetë pak ditë më parë në moshën 79-vjeçare.
Ai njihet si një nga mbështetësit më të mëdhenj të shqiptareve në Kongresin Amerikan. Engel shërbeu në Dhomën e Përfaqësuesve nga viti 1989 deri në vitin 2021 dhe ishte një avokat i zjarrtë i zgjedhësve të tij, të drejtave të njeriut dhe paqes globale.
Ish-kongresmeni u zgjodh për herë të parë në vitin 1988 dhe u mund në zgjedhjet paraprake të vitit 2020 nga Jamaal Bowman, fituesi i zgjedhjeve të përgjithshme.
Ai shërbeu si anëtar i lartë dhe kryetar i Komitetit të Punëve të Jashtme të Dhomës së Përfaqësuesve në vitet e fundit të karrierës së tij, duke ndikuar në politikën amerikane dhe marrëdhëniet ndërkombëtare.
Gjatë një karriere mbi 44 vite në shërbim publik, Engel ishte i njohur për përkushtimin ndaj zgjedhësve të tij dhe mbështetjen e demokracisë në të gjithë botën.
Top Channel
Top Channel/ Karakaçi replikë Kaprit: Ky projekt është lidhur më kompaninë më të madhe holandeze e..
Top Channel/ Gjuha rome drejt zhdukjes?/ Rënie interesi për studime, apel për mbështetje dhe punësim
