Rusia paralajmëron BE-në: Rritja e planifikuar e prodhimit të dronëve për Ukrainën po e fut Evropën në luftë

Sipas saj, qeveritë e disa vendeve të Bashkimit Evropian kanë vendosur të rrisin prodhimin dhe dërgimin e mjeteve ajrore pa pilot (UAV) në Ukrainë, një veprim që Moska beson se po çon në përshkallëzim të mëtejshëm të konfliktit.

Ministria publikoi gjithashtu një listë të industrive dhe ndërmarrjeve në disa vende që, sipas saj, prodhojnë mjete ajrore pa pilot ose pjesë dronësh, duke treguar edhe adresat e tyre. Lista përfshin fabrika në Britani, Gjermani, Spanjë, Itali, Poloni dhe Izrael.

Russian Defense Ministry’s statement must be taken literally: the list of European facilities which make drones & other equipment is a list of potential targets for the Russian armed forces. When strikes become a reality depends on what comes next. Sleep well, European partners!

— Dmitry Medvedev (@MedvedevRussiaE) April 15, 2026

Në deklaratën e saj thuhet se qytetarët evropianë “jo vetëm që duhet të kuptojnë qartë shkaqet e vërteta të kërcënimeve për sigurinë e tyre, por edhe të dinë adresat dhe vendndodhjet e ndërmarrjeve dhe konsorciumeve që prodhojnë UAV dhe pjesë për Ukrainën në territorin e vendeve të tyre”.

Ndërkohë, ish-presidenti i Federatës Ruse dhe aktualisht zëvendëskryetar i Këshillit të Sigurisë, Dmitry Medvedev, reagoi përmes një postimi në platformën X, duke deklaruar se lista e publikuar është ekuivalente me një listë objektivash të mundshëm për forcat e armatosura ruse.

“Kur sulmet do të bëhen realitet varet nga ajo që vjen më pas. Flini mirë, partnerë evropianë”, shkroi ai në mesazhin e tij.

Zyrtarët rusë, përfshirë Medvedevin, kanë bërë vazhdimisht komente që perceptohen si kërcënime ndaj vendeve evropiane për mbështetjen e tyre ndaj Ukrainës. Megjithatë, këto deklarata zakonisht paraqiten si paralajmërime apo aludime, dhe jo si njoftime të drejtpërdrejta për sulme të afërta.

Top Channel