Zbulimi në Turqi që ndryshoi historinë, Göbekli Tepe sfidon origjinën e qytetërimit 09/04 08:22
Një ekspozitë e veçantë me vepra origjinale të artistit me famë botërore Salvador Dalí, u çel në Tiranë.
Në ambientet e Qendrës për Hapje dhe Dialog, për herë të parë janë ekspozuar 81 gravura që përfshijnë vitet nga 1934-1972, një periudhë fillimi dhe eksperimentimi e Salvador Dali.
Ky koleksion i jashtëzakonshëm veprash ka lënë gjurmë në historinë e artit botëror.
Kuratorja Christine Argille thotë: “Janë vepra mjaftë interesante, është një koleksion i konsiderushmë. Babai im ka punuar për shumë vite me të, ishte kënaqësi të punonte me të. Dalí ka qenë një njeri që ka punuar shumë dhe ka qenë I ndrojtur njëkohësisht dhe njerëzit nuk e dinin këtë tipar të tij”.
Një ekspozitë e jashtëzakonshme e cilësoi kryeministri Edi Rama, një arritje e re në promovimin e artit ndërkombëtar në Shqipëri.
“Prezenca këtu e një koleksioni të jashtëzakonshëm origjinalesh të një artisti që ka shënjuar historinë e artit botëror është diçka vërtetë për tu kremtuar. Nuk kam çfarë të them për koleksionin, është i jashtëzakonshëm. Ky koleksion është një ftesë për në parajsë për një moment të caktuar. Kështu që shijojeni këtë ftesë. Kjo ekspozitë do të hyjë në historinë e kësaj godine”, u shpreh Rama.
Ekspozita me vepra të Salvador Dalí, do të qëndrojë e hapur për deri më datë 23 maj.
Top Channel
