Meloni komenton deklaratat e Trumpit për NATO-n: Ne mbrojmë interesat kombëtare dhe kur nuk pajtohemi, duhet ta themi këtë 03/04 22:47
Donald Trump ka deklaruar se Shtetet e Bashkuara të Amerikës mund ta hapin “lehtësisht” Ngushticën e Hormuzit, një nga korridoret më të rëndësishme të transportit të naftës në botë.
Në një postim në platformën Truth Social, Trump shkroi se “me pak më shumë kohë” SHBA-të mund të sigurojnë hapjen e ngushticës, duke shtuar se kjo do të mundësonte marrjen e naftës dhe krijimin e një “pasurie”. Ai e përshkroi një veprim të tillë si një “shpërblim për botën”.
Deklarata vjen në një kohë tensionesh të larta në rajon, ku Ngushtica e Hormuzit mbetet një pikë kyçe për furnizimin global me energji dhe një zonë e ndjeshme për përshkallëzim ushtarak.
Trump ka shprehur edhe më parë qëndrime të ngjashme, duke sugjeruar se vendet perëndimore duhet të ndërmarrin vetë masa për të garantuar lëvizjen e lirë të naftës përmes këtij korridori strategjik, përfshirë përdorimin e mjeteve ushtarake.
Top Channel
