Amerikanët konfirmojnë rrëzimin e avionit luftarak F-15 nga iranianët, fati i ekuipazhit nuk dihet 03/04 22:53
Sekretari amerikan i Mbrojtjes, Pete Hegseth, i ka kërkuar Shefit të Shtabit të Ushtrisë amerikane, Randy George, të japë dorëheqjen nga posti i tij.
Zëdhënësi i Pentagonit, Sean Parnell, tha në një deklaratë në mediat sociale se George “do të tërhiqet nga pozicioni i tij si Shefi i 41-të i Shtabit të Ushtrisë”.
Shefi i Ushtrisë zakonisht shërben për një mandat katërvjeçar. George, një oficer ushtarak karriere dhe diplomuar në Akademinë Ushtarake West Point, u nominua për këtë rol në vitin 2023 nga ish-Presidenti Joe Biden.
Riorganizimi i fundit vjen pasi Trump tha në një fjalim drejtuar kombit se lufta SHBA-Izrael me Iranin pritet të përfundojë “shumë shpejt”.
George ka shërbyer si oficer këmbësorie në Luftën e Parë të Gjirit dhe në konfliktet e fundit në Irak dhe Afganistan. Nuk ishte menjëherë e qartë pse i kërkohej të largohej.
“Jemi mirënjohës për shërbimin e tij, por ishte koha për një ndryshim lidershipi në Ushtri”, deklaruan autoritetet.
Ai do të zëvendësohet nga Zëvendës Shefi i Shtabit të Ushtrisë, Gjenerali Christopher LaNeve, i cili do të bëhet shefi i përkohshëm i shtabit të ushtrisë, sipas mediave amerikane.
Parnell tha se LaNeve është “një udhëheqës i sprovuar me dekada përvojë operative dhe i besuar plotësisht nga Sekretari Hegseth për të zbatuar vizionin e kësaj administrate pa të meta”.
Top Channel
