Botërori 2026/FIFA rrit çmimin maksimal të biletës së finales në…rreth 11 mijë USD, në 2022 ishte 1600 USD 02/04 19:04
Pas humbjes së Italisë në Bosnjë dhe zhvillimeve të fundit në krye të futbollit italian, kriza në kampin “azzurri” po thellohet edhe më tej.
Dorëheqja e presidentit të Federatës Italiane të Futbollit, Gabriele Gravina, ka hapur një valë largimesh, që tashmë ka përfshirë edhe figura të tjera të rëndësishme.
Edhe kreu i delegacionit të kombëtares, Gianluigi Buffon, ka njoftuar largimin e tij nga posti. Ish-portieri legjendar kishte menduar të tërhiqej menjëherë pas ndeshjes në Zenicë, por, sipas tij, i ishte kërkuar të priste “derisa të gjithë të kishin kohë të mendonin mirë”.
“Tani që Presidenti Gravina ka zgjedhur të tërhiqet, ndihem i lirë të bëj atë që e konsideroj si një akt përgjegjësie. Ndërsa besoj sinqerisht se kemi ndërtuar shumë për sa i përket frymës së ekipit dhe shpirtit të grupit me Gennaro Gattuso dhe të gjithë bashkëpunëtorët e mi, në kohën shumë të shkurtër që kishte ekipi kombëtar, objektivi kryesor ishte ta rikthenim Italinë në Kupën e Botës. Dhe nuk ia dolëm,” u shpreh Buffon në rrjetet sociale.
Ndërkohë, sipas burimeve pranë federatës, pritet që vala e ndryshimeve të vazhdojë. Radhën e ka trajneri Gennaro Gattuso, largimi i të cilit shihet si gjithnjë e më i mundshëm pas dështimit për të arritur Botërorin, teksa prej orësh qarkullojnë edhe emrat zëvendësues.
Top Channel
