Dështimi i Italisë për të kualifikuar në Botërorin 2026 ka marrë vëmendje të madhe nga mediat ndërkombëtare.
Sipas gazetës spanjolle Marca, kjo është “tragjedia më e madhe e futbollit botëror”: Azzurri humbën në Zenica dhe do të mungojnë në Kupën e Botës për herë të tretë radhazi.
Gazeta As shkruan: “Dreq, Italia”, duke nënvizuar zhgënjimin dhe dëshpërimin e tifozëve italianë, 12 vjet pas pjesëmarrjes së fundit në Botëror.
Në Francë, L’Equipe hap me titullin “Ciao Italia: Mallkimi i Italisë vazhdon”. Gazeta shpjegon se stadiumi i vogël në Zenica me 9,000 tifozë zhurmshëm dhe gjendjen e diskutueshme të fushës e bëri sfidën një kurth, ku Gianluigi Donnarumma dhe shokët e tij ranë në këtë situatë.
Gjermania, përmes Bild, thekson se ishte “një turp tjetër për Italinë në Botëror”, duke vënë në dukje se ish-ylli i Bundesligës, Barbarez, udhëhoqi Bosnjën drejt pjesëmarrjes së dytë në historinë e tyre pas 2014-ës, dhe se skuadra boshnjake kishte gjashtë lojtarë që luajnë në klube gjermane.
The Guardian shkruan: “Historia do të jetë ajo e një apokalipsi tjetër italian, një mundësi e turpshme për një komb që ka fituar katër Kupa Bote, por që po fillon të besojë se nuk do të marrë pjesë më kurrë. Pas tronditjes së papritur nga Maqedonia e Veriut në 2022 dhe humbjes shtypëse kundër Suedisë 8 vjet më parë, në 2026 gjetën një mënyrë të re për të dështuar: eliminuar nga penalltitë në finale të playoff-it kundër Bosnjës.”
Top Channel
