Mbrëmja e sotme i takon kombëtares së Kosovës që në ‘Fadil Vokrri’ do të luajë ndeshjen e jetës së saj.
Dardanët janë vetëm një ndeshje larg historisë, kualifikimit për në Botërorin e këtij viti.
Nëse dikush në 2016 do të thoshte që Kosova pas 10 vitesh do të ishte në këtë pikë, në këtë kulm, askush nuk do ta besonte. Por Dardanët janë aty dhe në Prishtinë do të përballen me Turqinë për të bërë realitet ëndrrën amerikane.
Në Prishtinë atmosfera pritet të jetë e zjarrtë, stadiumi do të jetë plot e përplot me tifozët që do të mbështesin parreshtur skuadrën e tyre që është në momentin kulmor të saj. Sfida mes Kosovës dhe Turqisë, është sfida që flet për një rrugëtim të jashtëzakonshëm të Dardanëve që kanë treguar rritje të vazhdueshme dhe karakter të fortë në momentet vendimtare.
Përditësimet LIVE:
Kosova është në festë dhe kërkon që kjo festë të vazhdojë edhe pas mesnate deri në verë. Dardanët presin në Prishtinë Turqinë për finalen e play off-it që të dërgon në Botëror.
Gazetari i njohur Arlind Sadiku, ka folur për “Shqipëria Live” në Prishtinë për ndeshjen finale mes Kosovës dhe Turqisë. Gjatë intervistës gazetari është shprehur se një biletë për ndeshjen finale mes dy shteteve për të shkuar në Botëror është blerë 7 mijë euro nga një biznesmen. Gjithashtu ai ka shtuar se vetëm 10 mijë shqiptar do kenë mundësinë për ta parë ndeshjen në stadium, për shkak të vendeve të kufizuar në stadiumin ‘Fadil Vokrri’.
Teksa pak orë na ndajnë nga starti i ndeshjes historike mes Kosovës dhe Turqisë, atmosfera në Prishtinë vijon të jetë e ndezur. Përpara sfidës, tifozët shqiptarë dhe ata turq janë bërë bashkë, duke festuar dhe duke shkëmbyer flamujt dhe fanellat. Sfida do të startojë në orën 20:45 dhe të gjithë shqiptarët do të kenë mundësinë ta ndjekin drejtpërsëdrejti në Top Channel dhe DigitAlb.
Mbrëmja e sotme i takon kombëtares së Kosovës që në ‘Fadil Vokrri’ do të luajë ndeshjen e jetës së saj kundër Turqisë. Në pikën kufitare të Morinë është shkaktuar një radhë kilometrike. Kjo ka ndodhur për shkak të tifozë shqiptarë që janë nisur nga vendi ynë për në Kosovë, për të mbështetur Dardanët në përballjen kundër Turqisë.
Kosova luan duelin e saj historik këtë të martë kundër Turqisë, ku në stadiumin “Fadil Vokrri”, Dardanët do të tentojnë kualifikimin për në Botërorin 2026. Trajneri i Dardanëve, Franco Foda, prite t’i besojë të njëjtëve lojtarë që hodhi në fushë përballë Sllovakisë. Në portë pritet të jetë Muriç, ndërsa mbrojtja do të përbëhet nga Dellovsa, Hajrizi dhe Hajdari. Vojvoda dhe Gallapeni do të luajnë më të avancuar nga krahët, ndërsa në mesfushë priten të jenë Hoxha, Rexhbeçaj dhe Muslija. Në sulm priten sërish dyshja Muriqi-Asllani.
17:13 Video/ Pak orë nga starti i ndeshjes, në rrugët e Kosovës nis festa e çmendur e tifozëve
Kur vetëm pak orë na ndajnë nga starti i ndeshjes historike mes Kosovës dhe Turqisë, në rrugët e qyteteve të Kosovës ka nisur festa. Qindra tifozë dardanë dhe shqiptarë janë bërë së bashku, të cilët me këngë e valle kanë festuar së bashku. Kosova do të tentojë të fitojë këtë duel, në mënyrë që të arrijë kualifikimin e parë në një Kampionat Botëror.
17:11 Kosova në mbrëmjen historike, kreu i FSHF, Armand Duka mesazh inkurajues për ‘Dardanët’
E marta e 31 marsit është dita e Kosovës së futbollit. Skuadra dardane do të përballet me Turqinë me synimin që të vazhdojë të mahnisë botën dhe të arrijë një kualifikim historik. Presidenti i Federatës Shqiptare të futbollit përmes një postimi në rrjetet sociale dha një mesazh inkurajues për Kosovën, pa e fshehur keqardhjen për faktin që Kombëtarja shqiptare e futbollit nuk mundi dot të kalojë në finale.
15:18 Ambasada amerikane në Prishtinë mesazh për ndeshjen ndaj Turqisë: Luani fort, bëjeni Kosovën krenare
Pak orë para ndeshjes Kosovë-Turqi për kualifikueset e Botërorit, ka ardhur mesazhi mbështetës nga Ambasada amerikane në Prishtinë.
Në një postim në rrjetet sociale, ambasada jep mesazhin inkurajues “luani fort dhe bëjeni Kosovën krenare”. Krahas shkrimit, ka ndarë forto nga stafi të veshur me fanellat e kombëtares së Kosovës dhe shaje.
Dhjetë vjet më parë, Kosova nuk kishte luajtur kurrë një ndeshje kualifikuese për Kupën e Botës kurse tani janë 90 minuta larg kualifikimit për finalet e kësaj vere. Kosova e cila shpalli pavarësinë nga Serbia në vitin 2008 dhe u njoh zyrtarisht nga FIFA dhe UEFA në vitin 2016, pret Turqinë në ndeshjen eliminatore të së martës. Ndeshja do të zhvillohet në stadiumin “Fadil Vokrri” në Prishtinë.
Kosova do të luajë në mbrëmjen e sotme sfidën vendimtare ndaj Turqisë për një vend në Botërorin e SHBA, Kanadasë dhe Meksikës, një ndeshje kjo që nëse Dardanët e fitojnë do të bëjë që ata të gdhendin emrin e tyre në librin e historisë së këtij kompeticioni madhor.
Këtë të martë, Prishtina është qëndra e vëmendjes së të gjithë shqiptarisë teksa në mbrëmje kombëtarja e Kosovës do të luajë ndaj Turqisë për të tentuar mrekullinë; kualifikimin për në Botërorin e SHBA, Kanadasë dhe Meksikës.
U bë anëtare e FIFA vetëm në vitin 2016, por një fitore ndaj Turqisë do t’i sigurojë Kosovës kualifikimin e parë në finalet e një kupe bote-kështu shkruan në artikullin e saj e përditshmja britanike ‘The Guardian’ të dedikuar skuadrës Dardane teksa ka intervistuar edhe një prej emrave më legjendare të skuadrës së Kosovës Samir Ujkani.
Teksa ka nisur numërimi mbrapsht për sfidën e madhe mes Kosovë dhe Turqisë tashmë ka nisur, Federata e Futbollit vendosi te dalë me një thirrje për tifozët për të mbështetur skuadrën dardane në realizimin e ëndrrës së madhe për t’u kualifikuar në Botërorin e kësaj vere
11:25 Në takim me historinë, Fisnik Asllani është gati për Turqinë…
Fisnik Asllani është gati për sfidën e jetës së kombëtares së Kosovës me Turqinë për një vend në botërorin e këtij viti që do të luhet në ‘Fadil Vokrri’ dhe që do të transmetohet në Top Channel dhe Digitalb.
Mbrëmja e sotme i takon kombëtares së Kosovës që në ‘Fadil Vokrri’ do të luajë ndeshjen e jetës së saj. Dardanët janë vetëm një ndeshje larg historisë, kualifikimit për në Botërorin e këtij viti.
Top Channel
