Presidentit amerikan “nuk i del e keqja” me vendet e NATO-s, Trump: S’kemi pse i mbrojmë më, sepse…
28/03 13:49
Papa Leoni XIV dënoi thellimin e hendekut mes të pasurve dhe të varfërve gjatë vizitës së tij në Monako, një vend i njohur për milionerët që banojnë aty, që u zgjodh si destinacion surprizë për udhëtimin e parë në Europën Perëndimore të papatit të tij.
I mbërritur me helikopter nga Roma, Papa u prit nga Princi Albert II dhe bashkëshortja e tij, Princesha Charlene.
Menjëherë pas mbërritjes, Papa kritikoi atë që e quajti “thellim i hendekut mes të varfërve dhe të pasurve”.
Në një fjalim në frëngjisht nga ballkoni i Pallatit të Princit, Papa amerikan denoncoi “struktura të padrejta pushteti dhe mëkate që krijojnë ndarje mes të varfërve dhe të pasurve, mes të privilegjuarve dhe të përjashtuarve, mes miqve dhe armiqve”.
“Mbretëria e Zotit, së cilës Jezusi i kushtoi jetën e tij, është pranë, sepse po ndodh në mesin tonë dhe trondit strukturat e padrejta të pushtetit, strukturat e mëkatit që hapin hendeqe mes të varfërve dhe të pasurve, mes të privilegjuarve dhe të përjashtuarve, mes miqve dhe armiqve. Dhurata e përulësisë, së bashku me një trashëgimi shpirtërore të gjallë, e angazhon pasurinë tuaj në shërbim të ligjit dhe drejtësisë, veçanërisht në një moment historik kur shfaqjet e forcës dhe logjika e gjithpushtetshmërisë dëmtojnë botën dhe rrezikojnë paqen”, u shpreh Papa.
Këmbanat ranë në të gjithë principatën për të shënuar mbërritjen e Papës në këtë shtet të vogël në Mesdhe, mes Francës dhe Italisë. Banorët u mblodhën jashtë pallatit, shumë prej tyre me flamujt kuq e bardhë të Monakos dhe të verdhë e bardhë të Vatikanit.
Nga pallati, Papa do të shkonte në Katedralen e Konceptimit të Papërlyer për t’u takuar me komunitetin katolik, dhe më pas në sheshin përpara Kishës së Shën Devotës.
Në rrugët e qytetit të vogël, pankarta me figurën e Papës krijonin kontrast me makinat luksoze dhe turmat e turistëve.
Ngjarja kryesore pritet të jetë një meshë ku pritet të marrin pjesë rreth 15 mijë persona. Princi Albert e cilësoi vizitën si “një sinjal të fortë për rëndësinë e principatës në botën katolike”, duke theksuar edhe bashkëpunimin për solidaritetin ndërkombëtar dhe promovimin e paqes.
Top Channel
