Gjermania lehtëson eksportin e armëve për Gjirin Persik dhe Ukrainën 21/03 10:33
Sarah Ferguson po qëndron larg vëmendjes publike prej muajsh, por presioni ndaj saj po rritet ndjeshëm për të dëshmuar mbi lidhjet me financierin e ndjerë Jeffrey Epstein.
Ligjvënës amerikanë kërkojnë që ajo të japë dëshmi nën betim, duke pretenduar se mund të ketë informacion të rëndësishëm për hetimet mbi rrjetin dhe aktivitetet e Epstein.
Ferguson konsiderohet dëshmitare kyçe
Anëtarë të Kongresit amerikan kanë kërkuar bashkëpunimin e saj, duke theksuar se çdo person me dijeni duhet të ndihmojë për zbardhjen e plotë të çështjes.
Edhe familjarë të akuzueses Virginia Giuffre kanë bërë thirrje që Ferguson të paraqitet në SHBA dhe të përgjigjet për atë që di.
Megjithatë, nuk ekziston një mekanizëm ligjor që ta detyrojë atë të dëshmojë.
Dokumente të reja, shtohen dyshimet mbi rolin e saj
Publikimi i dokumenteve të reja nga autoritetet amerikane sugjeron se Ferguson ka pasur lidhje më të afërta me Epstein nga sa mendohej më parë.
Në emaile të zbuluara, ajo shfaqet në komunikim me të edhe kur ai ishte në burg dhe madje raportohet se e ka takuar bashkë me vajzat e saj pas lirimit.
Ndërkohë, qarkullojnë spekulime se Ferguson mund të japë një intervistë “rrëfim të plotë” për shuma të mëdha parash, por mbetet e paqartë nëse kjo do të ndodhë.
Ekspertët paralajmërojnë se një dalje publike mund të ketë pasoja të mëdha për të dhe familjen mbretërore, përfshirë ish-bashkëshortin e saj Dukën Andrew.
Situata mbetet e paqartë, ndërsa presioni publik dhe politik ndaj saj vazhdon të rritet.
Top Channel
